Asuntu : 𝑴𝒊𝒏𝒊𝒔𝒕𝒓𝒖 𝑩𝒆𝒏𝒅𝒊𝒕𝒐 𝑷𝒓𝒆𝒔𝒕𝒂 𝑶𝒎𝒆𝒏𝒂𝒋𝒆𝒏 𝒏𝒐 𝑻𝒂𝒖 𝑨𝒊𝒇𝒖𝒏𝒂𝒏 𝒊𝒉𝒂 𝑴𝒐𝒏𝒖𝒎𝒆𝒏𝒕𝒖 𝑬𝒓𝒐́𝒊 𝑹𝒊𝒛𝒂𝒍 𝒊𝒉𝒂 𝑴𝒂𝒏𝒊𝒍𝒂 𝑴𝒂𝒏𝒊𝒍𝒂, 𝟐𝟐 𝒐𝒖𝒕𝒖𝒃𝒓𝒖 𝟐𝟎𝟐𝟓 — Ministru Negósiu Estranjeiru no Kooperasaun, 𝐁𝐞𝐧𝐝𝐢𝐭𝐨 𝐝𝐨𝐬 𝐒𝐚𝐧𝐭𝐨𝐬 𝐅𝐫𝐞𝐢𝐭𝐚𝐬 ho delegasaun kuarta-feira ne’e, presta omenajen no tau aifunan iha Monumentu Istóriku Erói Boot Filipina nian, 𝐉𝐨𝐬𝐞́ 𝐑𝐢𝐳𝐚𝐥 iha sidade Manila, Filipina. Serimónia ne’e hala’o iha ámbitu vizita traballu Ministru Bendito Bendito nian ba nasaun membru ASEAN sira inklui Filipina rasik, molok ofisializa Timor-Leste nia adezaun formal ba Assosiasaun Nasaun Sudeste Aziátiku (ASEAN) ba dala-11 iha loron 26 fulan-outubru ne’e iha Kuala Lumpur, Malázia. Serimónia ne’e hahú ho ezekusaun ba Inu Nasionál nasaun rua nian, no akompañadu hosi parada militár. Ministru Bendito hateten, vizita no presta omenajen ba Monumentu iha Erói Boot Filipina nian, José Rizal importante tebes atu hatudu nafatin Timor-Leste nia respeitu ba erói no mártires sira iha nasaun sira-ne’ebé maka Timor-Leste estabelese ninia relasaun diplomátika. Vizita ne’e mós atu fó omenajen ba erói boot Filipina nian, José Rizal ne’ebé fó vida tomak iha prosesu luta ba ukuk rasik aan povu Filipina nian. Tan ne’e, liu husi vizita refere atu hametin liután futuru kooperasaun bilaterál entre nasaun rua nian. José Rizal nu’udar Líder no Erói Filipina nian ne’ebé mate iha tinan 1898. Monumentu Rizal iha Manila harii iha Parke Rizal entre tinan 1908 no 1913 hodi komemora eroi nasionál Filipina nian, José Rizal. Aprova hosi Komisaun Filipina Estadus Unidus nian iha tinan 1901, kompetisaun dezeñu internasionál ida hala'o, ne'ebé manán hosi eskultór Suisa Richard Kissling. Monumentu ne'e fó-sai iha loron 30 fulan-dezembru tinan 1913, aniversáriu ba dala 17 hosi ezekusaun Rizal nian, no nia dezeñu hili tanba nia simplisidade no reprezentasaun hosi Rizal nia ideál sira. Entretantu, vizita Ministru Bendito Freitas ba Monumentu Rizal ne’e, akompañadu hosi Embaixadór Timor-Leste nian iha Repúblika Filipina, Marciano da Silva, Diretór-Jerál ba Asuntu Bilaterál ba Ázia no Oseánia, Embaixadór Jorge Trindade no seluk tan. Fontes: https://www.facebook.com/share/p/173PDnuc1V/
Data Publica : 23 Oct 2025
Descrisaun :
