Asuntu : SEKOMS MARKA AUDENSIA HO KOMISAUN G PARLAMENTU NASIONAL Dili, 20/10/2025, Sekretáriu Estadu ba Komunikasaun Sosiál Expedito Loro Dias Ximenes ho ekipa tekniku Marka Audensia ho Komisaun G-Parlamentu Nasionál nebe trata asuntus Edukasaun, Juventude, Kultura no Sidadania, enkontru ne’e hala’o iha salaun enkontru komisaun G parlamentu Nasional. Objetivu husi audensia ne’e atu diksute Proposta Orsamentu Sekretaria Estadu ba Komunikasaun Sosiál nian ba tinan 2026 no atualiza progresu ezekusaun orsamentu tinan 2025 nian. Nune’e progresu ezekusaun orsamentu SEKOMS nian ba tinan 2025 nian dadaun ne’e atinje ona 82,3% husi orsamentu ho alokasaun montante USD 6,038,535.00 iha tinan 2025. Ba tinan 2026, proposta orsamentu SEKOMS ho montante USD 5,594,454.00, alokasaun ba kategoria Salarios e Vencimentos 21,31%, ho valor nominál USD 1,192,138.00, Bens e Serviços Correntes 13,87% ho valor nominal USD 775,876.00, Transferencias Públicas 52,76% ho valor nominál USD 2,951,440.00, no Capital Desenvolvimento 12,07% ho valor nominal USD 675,000.00. Orsamentu ne’ebé SEKOMS propoin ona ba tinan 2026 ho montante USD 5,594,454.00, hodi finansia programa prioridade SEKOMS nian, mak hanesan ; Programa Funcionamento e Desenvolvimento Institucional , Alokasaun orsamentu ho montante USD 955,996.00 ka 17% hosi totál orsamentu SEKOMS nian ba tinan 2026. Programa Desenvolvimento do Setor da Comunicação Social, Alokasaun orsamentu ho montante USD 4,452,858.00 ka 80% hosi totál orsamentu SEKOMS nian ba tinan 2026. Programa Desenvolver um Sistema de Comunicação Instituicional : Alokasaun orsamentu ho montante USD 185,600.00 ka 3% hosi totál orsamentu SEKOMS nian ba tinan 2026. Iha ámbitu sorumutu, SEKOMS hetan apresiasaun servisu husi deputadu sira ba progresu ejekusaun orsamantu ba tinan 2025 ne’ebe atinji ona 82,3 % ho rezultadu programa husi area sira hanesan kapasitasaun ba jornalista sira, instalasaun radio komunidade foun iha Timor-leste, jornal parede dijital ne’ebe dadaun ne’e lansa ona iha eskola sira, suku dijital no sel seluk tan. Nune’e mos Deputadu sira husu atu SEKOMS tau nafatin atensaun kualidade produtu jornalismu no kombate desinformasaun ou fake news ne'ebe dadaun ne’e la’o iha Timor-leste. Marka prezensa iha audensia ne’e membru deputadu sira husi komisaun g, Prezidenti Tatoli I.P, Prezidenti RTTL, E.P, Diretor Ezekutivu Konselhu Imprensa, Diretor Jeral no ekipa tekniku sira husi SEKOMS. Media SEKOMS Fontes: https://www.facebook.com/share/p/1CP7g53MjW/
Data Publica : 23 Oct 2025
Descrisaun :
