Asuntu : MINISTRU GASTÃO SOUSA INDTRODUS POLITIKA GOVERNU HARII BNDTL BÁ PR RAMOS-HORTA. DILI, Loron 22 Fulan Outubru Tinan 2025 Ministru Planeamentu no Investimentu Estratéjiku Eng.Gastão Francisco de Sousa akompaña husi Assor Prinsipál, Julio Tomas Pinto hala’o enkontru ho Prezidente Repúblika, José Ramos-Horta hodi informa kona-bá politika IX Governu Konstitusionál atu harii Banku Nacionál Dezenvolvimentu Timor-Leste (BNDTL) ne’ebé sei kolabora ho Governu Brazil. Iha aprezentasaun ne’e, Prezidente Ramos-Horta agradese bá governu no promete bainhira hala’o vizita bá Malazia hodi partisipa serimónia ofisiál Adezaun Timor-Leste sai membru ASEAN iha loron 26 Outubru 2025, sei hasoru no ko’alia direita asuntu ne’e ho Prezidente Repúblika, Brazil, Luiz Inácio Lula da Silva. PR Ramos-Horta konsidera politika governu hodi estabelese Banku Dezenvolvimentu Nacionál importante tebes bá dezenvolvimentu ekonomia no sistema bankaria iha Timor-Leste. IX Governu nia politika atu harii Banku Dezenvolvimentu Nasionál Timor-Leste (BDNTL) nu’udar instrumentu estratéjiku ida hodi sustenta dezenvolvimentu ekonomiku nasaun nian. Inisiativa ne'e sei fokus bá apoia investimentu sira ne'ebé transformador iha setores sira hanesan agrikultura, turizmu, indústria no abitasaun. Projetu ne'e sei la'o liu husi prosesu ida ne'ebé hahú ho aprovasaun husi Konsellu Ministru no sei hetan suporta mós husi parseiru hanesan Asian Development Bank (ADB). Objetivu harii sistema finanseiru ne'ebé bele apoia dezenvolvimentu ekonomiku ne'ebé sustentável no inkluzivu, halo reforma iha sistema finanseiru anteriór ne'ebé la transparenti no responsável no promove transformasaun nesesária bá dezenvolvimentu ne’ebé sei foku bá setór hanesan agrikultura, turizmu, indústria no abitasaun. BDNTL sei sai hanesan instrumentu estratéjiku importante atu habelar dezenvolvimentu nasaun nian. Banku ne'e sei tau importansia bá dezenvolvimentu ekonomiku sustentável no inkluzivu. Média MPIE
Data Publica : 23 Oct 2025
Descrisaun :
