Asuntu : 𝐌𝐀𝐄 𝐏𝐀𝐑𝐓𝐈𝐒𝐈𝐏𝐀 𝐈𝐇𝐀 𝐀𝐔𝐃𝐄́𝐍𝐒𝐈𝐀 𝐏𝐔́𝐁𝐋𝐈𝐊𝐀 𝐇𝐎 𝐊𝐎𝐌𝐈𝐒𝐀𝐔𝐍 𝐀 𝐏𝐀𝐑𝐋𝐀𝐌𝐄𝐍𝐓𝐔 𝐍𝐀𝐒𝐈𝐎𝐍𝐀́𝐋 𝐃𝐢𝐥𝐢, 𝟐𝟐 𝐎𝐮𝐭𝐮𝐛𝐫𝐮 𝟐𝟎𝟐𝟓 ; Ministériu Administrasaun Estatál (MAE), ne’ebé lidera husi Ministru Tomás do Rosário Cabral, hamutuk ho Vise-Ministru Jacinto Rigoberto Gomes de Deus, Sekretáriu Estadu Dezenvolvimentu Lokál (SEDL), Mateus W. dos Santos Tallo, Prezidente Autoridade Munisipál sira, Prezidente Autoridade Administrativa Ataúro, Sekretariadu Tékniku Administrasaun Eleitó ral (STAE), Diretór-Jerál no Nasionál sira husi MAE, partisipa iha audiénsia públika ho komisaun A, ne’ebe trata kona-ba asuntu Konstituisonal no Justisa, iha Parlamentu Nasionál. Objetivu husi audiénsia ne’e atu halo aprezentasaun abranjente kona-ba progresu ezekusaun orsamentu munisípiu 12 no Autoridade Administrativa Ataúro ba tinan fiskál 2025 nian, no planu prioridade ba tinan fiskal 2026. Audénsia Públika ne’e lidera husi Prezidente Komisaun A Patrocínio Fernandes iha sala enkontru PN. Parlamentu Nasionál hahú siklu audiénsia públika ida ne’ebé promove husi Komisaun Espesializada Permanente sira, hodi dedika ba apresiasaun Proposta Lei Orsamentu Jerál Estadu (OJE) ba tinan finanseiru 2026. Audiénsia sira ne’e hahú husi 15 fulan-Outubru no sei remata iha loron 31, fulan-Outubro 2025, ne'ebe sei konta ho partisipasaun husi membru Governu, Prezidénsia Repúblika, Tribunal Rekursu, no dirijente Administrasaun Públika sira, hodi halo debate no klarifika orsamentu setoriál sira ba tinan oin. Media SEDL Fontes: https://www.facebook.com/share/p/1GNRJNKZSq/
Data Publica : 23 Oct 2025
Descrisaun :
