Objetivu husi formasaun ne’e atu hasa’e abilidade no koñesimentu traballadór sira nian hodi garante sustentabilidade husi fundu ka osan ne’ebé sira hetan ona liu husi programa PALM . Tópiku interesante ne'ebé partisipantes sira aprende ona durante loron rua ne'e inklui planu jere orsamentu, kria enkuadramentu vizaun ba objetivu finanseiru, planu hari negosiu ki'ik no estratéjia atu jere no halo mitigasaun risku risku sira.

Iha sesaun abertura hetan partisipasaun direita husi Nasional Empregu Estranjeiru (DNEE), lideradu husi Diretor Sr. Joào Correia Pereira, reprezentante DFAT, Primeira Sekretaria Sra. Kalo Tafolo, Jerente PLMSP, Sr Geraldo Ximenes, reprezentante ANZ no Chefe Departamentu Reintegrasaun, Sra Angela. inklui familia husi trabllador sira.

Iha abertura Diretor kongratula no enkoraja partesipante sira atu sustentabiliza sira osan no exprensia liu husi hari negosiu no suporta ekonomia uma laran ” Parabens ba traballor retornu sira, ba ita boot sira hotu , estadu hakarak atu hare planu negosiu saida mak agora ita boot sira iha ona?Imi implenta ona to iha ne’ebé? Hau enkoraja tebes ita boot atu uza osan no esperensia ne’ebé imi hetan ona atu bele kria planu negosiu ruma ne’ebé bele kria lukru ba ita boot sira , aksaun ida ne’e bele ajuda estadu sirkula roda ekonomia iha sira ita nia nasaun sai proseperu liu”.

Bom susesu ba trabllador sira hotu !!