Asuntu : 𝐌𝐎𝐏-𝐔𝐍𝐃𝐏 𝐇𝐎 𝐄𝐌𝐁𝐀𝐈𝐗𝐀𝐃𝐎𝐑 𝐉𝐀𝐏𝐀𝐔𝐍 𝐈𝐍𝐀𝐔𝐆𝐔𝐑𝐀 𝐒𝐈𝐒𝐓𝐄𝐌𝐀 𝐒𝐎𝐋Á𝐑 𝐏𝐀𝐍E𝐋 𝐒𝐎𝐋Á𝐑 𝐈𝐇𝐀 𝐈𝐍𝐒𝐓𝐈𝐓𝐔𝐓𝐔 𝐍𝐀𝐒𝐈𝐎𝐍Á𝐋 𝐅𝐀𝐑𝐌Á𝐒𝐈𝐀 𝐍𝐎 𝐏𝐑𝐎𝐃𝐔𝐓𝐔 𝐌É𝐃𝐈𝐊𝐔 𝐈𝐍𝐊𝐋𝐔𝐈 𝐒𝐄𝐍𝐓𝐑𝐔 𝐒𝐀Ú𝐃E𝐄 𝐁𝐎𝐁𝐄 𝐍𝐎 𝐒𝐄𝐍𝐓𝐑𝐔 𝐒𝐀Ú𝐃𝐄 𝐇𝐀𝐓𝐔-𝐂𝐎𝐍𝐀𝐍. 𝐃𝐢𝐥𝐢, 𝟐𝟑 𝐎𝐮𝐭𝐮𝐛𝐫𝐮 𝟐𝟎𝟐𝟓 Ministru Obras Públikas, Samuel Marçal akompaña hosi Katyna Argueta ho Embaixador Japaun mai Timor Leste, Kimura Tetsuya ho Diretora Ezekutivu Institutu Nasionál Farmásia no Produtos Médiku (INFPM), Paulina Mendonça Maher, ofisialmente inagura sistema solár panél solár iha Institutu Nasionál Farmásia no Produtu Médiku (INFPM), Sentru Saúde Bobe no Sentru Saúde Hatu-Conan. Atividade ne’e realiza iha edefísiu sentrál Institutu Nasionál Farmásia no Produtu Médiku (INFPM), aldeia Mahon, suku Kampung Alor, kinta-feira ne’e. Entretantu atividade ne’e bainhira realiza Governu, halo parseria ho Programa Nasoins Unidas bá Dezenvolvimentu (PNUD) no hetan apoiu finanseiru husi Governu Japaun, hodi instala sistema enerjia solár panél bá iha Institutu Nasionál Farmásia no Produtus Médikus (INFPM) inklui mós Sentru Saúde Bobe no Sentru Saúde Hatu-Conan. Inisiativa ida-ne’e halo parte iha projetu “Promosaun bá Transformasaun Verde iha Rejiaun Pasífiku kona-bá Dezenvolvimentu Zero Likidu no Reziliente Klimátiku, ne’ebé ho objetivu atu promove enerjias renovaveis hodi hasa’e reziliénsia klimátika iha Timor-Leste no país illa ki’ik sira seluk. Projetu ne’e, finansia husi Governu Japaun, ne’ebé lansa iha tinan 2023 no ho objetivu atu transforma INFPM bá ezemplu ida husi sustentabilidade enerjétika, liuhusi instalasaun panél solár ne’ebé sei garante fornesimentu enerjia ida kontínu no estavel. Fornesimentu ida-ne’e importante tebes atu konserva ho adekuadu medikamentus, vasinas no produtu saúde nian sira seluk ne’ebé esensiál, atu nune’e bele garante ninia manutensaun bá temperatura ne’ebé seguru. Aleinde asegura estabilidade fornesimentu elétriku, sistema enerjia solár sei permite atu hamenus kustu operasionál ne’ebé boot no pegada karbonu instituisaun nian. Partisipa iha seremónia inaugurasaun ne’e Xefe Gabineti Ministru Obras Públikas, Cristovão Fausto Guterres, reprezentante Ministra Saúde inklui funsionáriu INFPM. *𝐌𝐢́𝐝𝐢𝐚-𝐌𝐎𝐏
Data Publica : 24 Oct 2025
Descrisaun :
