Asuntu : 𝐏𝐌 𝐗𝐀𝐍𝐀𝐍𝐀 𝐕𝐈𝐙𝐈𝐓𝐀 𝐁Á 𝐌𝐈𝐍𝐈𝐒𝐓É𝐑𝐈𝐔 𝐎𝐁𝐑𝐀𝐒 𝐏Ú𝐁𝐋𝐈𝐊𝐀𝐒. 𝐃𝐢𝐥𝐢, 𝟐𝟑 𝐎𝐮𝐭𝐮𝐛𝐫𝐮 𝟐𝟎𝟐𝟓 Primeiru-Ministru (PM), Kay Rala Xanana Gusmão hala’o vizita supreza bá Ministériu Obras Públikas (MOP), iha Caicoli, kinta (23/10/2025). Objetivu vizita ne’e hodi haree rasik servisu sira ne’ebé funsionáriu liu-liu parte tékniku Unidade Inspesaun Verefikasaun bá Pagamentu (UIVP-MOP) hodi atualiza progresu infraestrutura ne’ebé implementa iha Timor-Leste. Iha vizita ne’e, Xefe Governu rona direta aprezentasaun husi Ministru Obras Pùblikas, Samuel Marçal akompaña husi Koordenador Jerál UIVP-MOP, Aleixo Amaral do Carmo no Xefe Seksaun Unidade Ponte no Estrada nomos Koordenador UGPRR, Tito Edgas de Fátima de Jesus hodi intrudus mós programa implementasaun projetu sira iha Timor-Leste. Hafoin enkontru, Xefe Governu hala’o vizita tama sai servisu fatin kada diresaun hodi konversa ho funsionáriu hodi fó motiviasaun bá servisu ne’ebé sira hala’o iha MOP. Iha oportunidade ne’e, funsionáriu agradese hodi uza oportunidade murak ne’e hasai fotografia hamutuk nu’udar momentu importante ida. 𝐌𝐢́𝐝𝐢𝐚-𝐌𝐎𝐏
Data Publica : 24 Oct 2025
Descrisaun :
