Asuntu : SEI ENKONTRU HO INTERNATIONAL LABOUR ORGANIZATION (ILO) HODI KO’ALIA KONA-BA PARTISIPASAUN FETO IHA IHA MUNDU TRABALLU NE’EBÉ SEGURU PROTEJIDU NO DIGNA Dili, 16 fulan-outubru tinan 2025_____Diretór-Jerál SEI, Sr. Armando da Costa akompaña husi Asesora Polítika Igualdade Jéneru no Asuntu ASEAN, Sra. Santina Soares no funsionária téknika, Sra. Agostina da Costa no Sra. Tarciza de Sousa Gama enkontru ho Sra. Simrin C. Singh, Diretora Organizasaun Internasionál ba Traballu (ILO-sigla Inglés) iha salaun Maria Gorete-SEI, Caicoli, Díli. Objetivu hosi enkontru ne'e atu hametin kooperasaun no esplora liután interese no oportunidade atu bele kolabora iha futuru hodi avansa igualdade jéneru. Liuliu oinsá atu aumenta iha área sira hanesan: 1) feto nia partisipasaun, feto iha mundu traballu formál no informasaun nian ne'ebé mak seguru, protejidu no digna, 2) Hasa'e kuñesimentu komunidade nian liuliu feto sira atu hatene kona-ba programa protesaun sosiál ne'ebé mak iha ona no oinsá atu bele benefísia programa sira ne'e; 3) importánsia atu servisu hamutuk hodi aselera ratifikasaun ba Konvensaun ILO 189 nian kona-ba Traballadores Doméstika númeru 190 kona-ba Violénsia no Asédiu iha Mundu Traballu, ILO halo ona servisu di'ak lubuk ida inklui oinsá asegura feto nia partisipasaun iha traballu no reafirma kompromisu atu kontinua servisu hamutuk ho parseiru sira hanesan ILO ne'ebé aliña ho prioriodade nasionál no kompromisu polítiku Governu Timor-Leste niań liga ho igualdade jéneru nian sira hanesan Deklarasaun Maubisse, Planu Asaun Nasionál kontra Violénsia Bazeia Jéneru no Planu Asaun Nasionál ba Ema ho Defisiénsia nian. Diretór-Jerál hato'o apresiasaun ba apoiu ne'ebé mak ILO kontinua fó ba Timor-Leste nomós hanoin katak importante atu servisu hamutuk hodi haree ba rekomendasaun sira ho Komité CEDAW nian ne'ebé liga ho Konvensaun ILO 189 nú I90. #Média SEI#.
Data Publica : 24 Oct 2025
Descrisaun :
