Asuntu : DIRIJENTE-SEI PARTISIPA IHA FORMASAUN KONVENSAUN ASEAN KONTRA TRÁFIKU BA EMA (ACTIP). Dili, 16-10-2025—Diretora Nasionál Relasaun Públika no Média (DNRPM-SEI), Sra. Maria Filomena Babo Martins, akompaña husi Xefe Departamentu Jurídiku-SEI, Sra. Ferina Maria Varela no Funsiunária Tékniku husi Departamentu Relasaun Públika, Sra. Aurelia Hornai, partisipa iha Formasaun kona-ba Konvensaun ASEAN Kontra Tráfiku ba Ema, ne’ebé mak organiza husi JICA, liuhusi Projetu ba Hasa’e Koordenasaun no Monitorizasaun ba Adezaun ba ASEAN iha Timor-Leste no Servisu hamutuk ho Diretór-Jerál, Institutu Servisu Estranjeiru, Filipina, Sr. Atty, Francisco N. R. Fernandez IIII iha Salaun Enkontru City 8, Manleuana. Iha sesaun Enseramentu, Diretora Nasionál Relasaun Públika no Média (DNRPM-SEI), Sra. Maria Filomena Babo Martins, reprezenta partisipante sira hotu hodi hato’o apresiasaun ba JICA no mós Diretór-Jerál, Institutu Servisu Estranjeiru, Filipina, Sr. Atty, Francisco N. R. Fernandez IIII, ne’ebé mak organiza no fasilita ona formasaun refere durante loron rua nia laran. Formasaun kona-ba Konvensaun ASEAN Kontra Tráfiku ba Ema ne’e, partisipa husi SEI, Ministériu Justisa (KLATO), MSSI, Ministériu Interior (Diresaun Imigrasaun), SEFOPE, PNTL, PDHJ, Sosiedade Sivil no Estudante husi UNTL. #Média-SEI# Fontes: https://www.facebook.com/share/p/19jGWdG3BD/
Data Publica : 24 Oct 2025
Descrisaun :
