Asuntu : iha Kuala-Lumpur, Malaysia, hafoin tinan 14, Timor-Leste hetan ninia estatutu nu’udar membru plenu ASEAN, mehi ida ne’ebé kleur tiha ona, hodi sai membru ba da sanulu-resin-ida iha bloku rejionál Sudeste Aziátiku nian ne’ebé Ohin, Timor-Leste hakerek istória. Ohin dadeer, iha Kuala-Lumpur, Malaysia, hafoin tinan 14, Timor-Leste hetan ninia estatutu nu’udar membru plenu ASEAN, mehi ida ne’ebé kleur tiha ona, hodi sai membru ba da sanulu-resin-ida iha bloku rejionál Sudeste Aziátiku nian ne’ebé importante no ne’ebé hetan susesu. Ne’e mehi ida ne’ebé sai realidade. Timor-Leste sei kontinua atu sai mais-valia ba komunidade ASEAN, hodi kontinua promove kooperasaun multilateral, polítika konsensu no forma konstrutiva envolvimentu oin-oin. Timor-Leste lori mai ASEAN nia istória libertasaun nasionál no polítika estratéjika ida-ne’ebé ho susesu kona-ba rekonsiliasaun ba pás, estabilidade no dezenvolvimentu ekonómiku. Timor-Leste mós lori mai ASEAN nia experiénsia hodi lidera g7+ no nia partisipasaun ativa iha Komunidade Nasaun sira ne’ebé Koalia lian Portugés (CPLP). Viva Timor-Leste! Ohin, ita Timoroan, ita hotu-hotu tenke orgullu, hanesan nasaun no povu, hodi ita hakat ba oin ho ita-nia independénsia no soberania, ho respeitu tomak ba nasaun no povu hotu-hotu, hodi moris hamutuk iha armonia no pás nia laran. Hanesan Primeiru-Ministru Malázia Datu Anwar Ibrahim hateten, ho Timor-Leste, ASEAN kompletu ona! Loos duni. Viva Timor-Leste. Viva ASEAN! Fontes: https://www.facebook.com/share/p/1Cdvv2yhHE/
Data Publica : 27 Oct 2025
Descrisaun :
