Asuntu : 𝑻𝒊𝒎𝒐𝒓-𝑳𝒆𝒔𝒕𝒆 𝑫𝒆𝒑𝒐𝒛𝒊𝒕𝒂 𝑰𝒏𝒔𝒕𝒓𝒖𝒎𝒆𝒏𝒕𝒖 𝑨𝒅𝒆𝒛𝒂𝒖𝒏 𝒃𝒂́ 𝑲𝒂𝒓𝒕𝒂 𝑨𝑺𝑬𝑨𝑵 𝑴𝒂𝒍𝒂́𝒛𝒊𝒂, 𝟮𝟱 𝑶𝒖𝒕𝒖𝒃𝒓𝒖 𝟮𝟬𝟮𝟱 — Ministru Negósiu Estranjeiru no Kooperasaun, 𝐁𝐞𝐧𝐝𝐢𝐭𝐨 𝐝𝐨𝐬 𝐒𝐚𝐧𝐭𝐨𝐬 𝐅𝐫𝐞𝐢𝐭𝐚𝐬 sábdu ohin, reprezenta Estadu Timor-Leste, depozita ona instrumentu adezaun bá karta ASEAN iha Reuniaun Ministru Negósiu Estranjeiru ASEAN, iha Sentru Konvensaun Kuala Lumpur, Malázia. Instrumentu adezaun Timor-Leste nian bá karta ASEAN ne'e entrega diretamente bá Sekretáriu-Jerál ASEAN, Kao Kim Hourn ne'ebé asiste direta husi Ministru Negósiu Estranjeiru Malázia, Dato'Seri Utama Mohamad Bin Haji Hasan no Ministru Negósiu Estranjeiru husi nasaun membru ASEAN nian. Adezaun bá kartaun ASEAN ne'e nu'udar momentu istóriku no importante ida hodi manifesta Timor-Leste admisaun formál bá organizasaun rejionál ne'e, liu-liu atu kumpre bá prinsípiu no valór sira ASEAN nian. Timor-Leste reafirma ninia prontidaun atu integra iha bloku rejionál ne'e, no kumprimentu sira nu'udar organizasaun ne'ebé bazeia bá regra sira. Karta ASEAN nian, ne’ebé adota iha 2007 no vigora dezde 2008, serve nu’udar konstituisaun ASEAN nian. Ida-ne'e fornese organizasaun ho personalidade jurídika, estabelese ASEAN nu'udar Komunidade ida ne'ebé bazeia ba regra no sentradu iha ema, no hatuur prinsípiu sira, objetivu sira, no enkuadramentu institusionál ne'ebé orienta ASEAN nia serbisu. Ho adezaun ba Karta ASEAN nian, Timor-Leste afirma nia kompromisu ba valór sira ne’ebé fahe malu no vizaun koletiva ba Komunidade ASEAN ida ne’ebé inkluzivu, unidu, no reziliente. Enkuantu, serimónia adezaun Timor-Leste nian bá ASEAN ne'e, sei ofisializa iha semeira Xefe Estadu no Xefe Governu ASEAN bá dala 47 ne'ebé sei hala'o iha loron domingu, 26 outubru 2025 ho prezensa husi líder ASEAN rasik no parseira diálogu ASEAN nian.
Data Publica : 27 Oct 2025
Descrisaun :
