Asuntu : 𝑻𝒊𝒎𝒐𝒓-𝑳𝒆𝒔𝒕𝒆 𝑶𝒇𝒊𝒔𝒊𝒂𝒍𝒎𝒆𝒏𝒕𝒆 𝑺𝒂𝒊 𝑴𝒆𝒎𝒃𝒓𝒖 𝑷𝒍𝒆𝒏𝒖 𝑨𝑺𝑬𝑨𝑵 𝒃𝒂 𝑫𝒂𝒍𝒂 11 𝑴𝒂𝒍𝒂́𝒛𝒊𝒂, 26 𝒐𝒖𝒕𝒖𝒃𝒓𝒖 2025 — Primeiru-Ministru, 𝐊𝐚𝐲 𝐑𝐚𝐥𝐚 𝐗𝐚𝐧𝐚𝐧𝐚 𝐆𝐮𝐬𝐦𝐚̃𝐨 hamutuk líder sira hosi estadu-membu ASEAN domingu ne’e, asina ona deklarasaun admisaun ofisiál Timor-Leste nian nu’udar plenu ASEAN ba dala 11. Asinatura deklarasaun admisaun Timor-Leste ba bloku rejionál ne’e iha ámbitu simeira ASEAN ba dala 47 iha Kuala Lumpur ho prezensa hosi líder sira parseiru diálogu ASEAN nian inklui Prezidente Repúblika Timor-Leste, José Ramos-Horta, Prezidente Brazil, Luís Inácio Lula da Silva, Sekretáriu-Jerál Nasoins Unidas, António Guterres no seluk tan. Delegasaun ne’ebé partisipa iha serimónia ne’e mak hanesan, Ministru Negósiu Estranjeiru no Kooperasaun, Bendito dos Santos Freitas, Vise-Primeiru-Ministru no Ministru Koordenadór Asuntus Ekonómikus no Ministru Turizmu no Ambiente, Francisco Kalbuadi Lay, Vise-Ministra ba Asuntu ASEAN, Milena Rangel no seluk tan. Primeiru-Ministru Malázia enkuantu Prezidente ASEAN 2025, Anwar Ibrahim deklara katak, Timor-Leste nia admisaun istóriku iha ASEAN ohin fó sentidu foun ba família ASEAN. “𝘗𝘢𝘳𝘢𝘣𝘦́𝘯𝘴 𝘣𝘢 𝘗𝘳𝘦𝘻𝘪𝘥𝘦𝘯𝘵𝘦 𝘙𝘢𝘮𝘰𝘴-𝘏𝘰𝘳𝘵𝘢 𝘯𝘰 𝘗𝘳𝘪𝘮𝘦𝘪𝘳𝘶-𝘔𝘪𝘯𝘪𝘴𝘵𝘳𝘶, 𝘟𝘢𝘯𝘢𝘯𝘢 𝘎𝘶𝘴𝘮𝘢̃𝘰, 𝘪𝘩𝘢 𝘧𝘢𝘮𝘪́𝘭𝘪𝘢 𝘈𝘚𝘌𝘈𝘕, 𝘳𝘦𝘢𝘧𝘪𝘳𝘮𝘢 𝘪𝘵𝘢-𝘯𝘪𝘢 𝘥𝘦𝘴𝘵𝘪𝘯𝘶 𝘯𝘰 𝘴𝘦𝘯𝘵𝘪𝘥𝘶 𝘬𝘭𝘦𝘢𝘯 𝘬𝘰𝘯𝘢-𝘣𝘢 𝘱𝘢𝘳𝘦𝘯𝘵𝘦𝘴𝘬𝘶 𝘳𝘦𝘫𝘪𝘰𝘯𝘢́𝘭,” 𝘥𝘦𝘬𝘭𝘢𝘳𝘢 𝘗𝘔 𝘔𝘢𝘭𝘢́𝘻𝘪𝘢 𝘈𝘯𝘸𝘢𝘳 𝘐𝘣𝘳𝘢𝘩𝘪𝘮. Xefe Governu Malázia ne’e tenik tan katak, iha komunidade ida ne’e nia laran, Timor-Leste nia dezenvolvimentu no autonomia estratéjia ida ne’e sei hetan apoiu ne’ebé metin no dura. Nune’e, Primeiru-Ministru, Kay Rala Xanana Gusmão lori povu no estadu Timor-Leste nia naran, agradese kle’an ba estadu-membru ASEAN hotu no ba Prezidente ASEAN, Sekretariadu ASEAN no parseiru diálogu sira hotu nia konfiansa no solidariedade ne’ebé la nakdoko ne’ebé halo loron istóriku ne’e sai realidade. Dezde halo aplikasaun iha 2011, Timor-Leste prepara ona ninia instituisaun sira, reforma polítika sira, no hametin prontidaun - orientadu hosi matenek, apoiu, no pasiénsia hosi ASEAN no ninia parseiru sira. Admisaun ne’e, Timor-Leste komprometidu atu servisu hamutuk ho estadu-membru sira atu mantein rejiuan ida ne’ebé pasífiku, abertu no próspetu. Fontes: https://www.facebook.com/share/p/1KDkkQBhnF/
Data Publica : 27 Oct 2025
Descrisaun :
