Asuntu : Vise-Ministra MSSI Partisipa Selebrasaun Timor-Leste Nia Adezaun ba ASEAN Ministra Interina, atuál Vise-Ministra Solidariedade Sosiál no Inkluzaun, Céu Brites, partisipa iha serimónia ofisiál hodi marka momentu istóriku Timor-Leste adere kompletamente ba iha Asosiasaun Nasaun Sudeste Aziátiku (ASEAN), ne’ebé hala’o iha Lecidere-Díli, loron Domingu (26/10/2025). Durante tinan sanulu resin haat hahú 2011, Timor-Leste submete pedidu adezaun ba ASEAN, hafoin iha Novembru 2022, Timor-Leste goza nia estatutu hanesan Obsevador. Ohin, Timor-Leste selebra ninia susesu tanba adere kompletamente nu’udar pais membrus ASEAN ba da-11, liuhusi ASEAN Summit and Realted Summits iha Kuala Lumpur Malázia. Serimónia agradesimentu ne’e organiza husi Ministériu Administrasaun Estatál (MAE), Ministériu Negósius Estranjeirus no Kooperasaun (MNEC-Sigla Portugés), no envolve entidade importante sira husi orgauns soberanu haat inklui parseirus dezenvolvimentu. Timor-Leste nia adezaun ba ASEAN, hanesan oportunidade bo’ot atu reforsa solidariedade rejionál, promove dezevolvimentu sosiál no inkluzaun ba komunidade vulnerável sira. ASEAN la’ós deit plataforma polítika no ekonomika, maibé mós espasu ida atu aprende no partilla esperiénsia kona-ba dezenvolvimentu sosiál no inkluzaun. Mídia MSSI
Data Publica : 27 Oct 2025
Descrisaun :
