Asuntu : 𝗦𝗠𝗦 𝗟𝗔𝗨𝗧𝗘𝗠 𝗞𝗢𝗡𝗧𝗜𝗡𝗨𝗔 𝗛𝗔𝗟𝗔’𝗢 𝗙𝗢𝗠𝗜𝗚𝗔𝗦𝗔𝗨𝗡 𝗕𝗔 𝗦𝗨𝗦𝗨𝗞! 28 Outubru 2025: Ministériu Saúde (MdS) liuhosi Servisu Munisipál Saúde (SMS) Lautem hala’o Intervensaun fumigasaun ba susuk iha Aldeia Titilari Suku Fuiloro, Postu Administrativu Lospalos Villa, Munisípiu Lautem. Relasiona ho tempu udan ne’ebé besik, Ministériu Saúde (MdS) husu ba públiku atu hasa’e vijilánsia hasoru moras oioin ne’ebé mosu beibeik iha períodu ne’e, hanesan moras dengue, diarea, no infesaun respiratóriu no seluk-seluk tan. MdS mós subliña importánsia hodi mantén limpeza ambientál, partikularmente hodi hamoos fatin potensiál sira ba susuk Aedes aegypti, kauza prinsipál ba moras dengue. Bee ne'ebé paradu iha kontentór sira, pneu tuan sira, ka valeta sira bele sai fatin ba susuk sira hodi bele dezenvolve an.
Data Publica : 28 Oct 2025
Descrisaun :
