Asuntu : 𝗣𝗠 𝗥𝗗𝗧𝗟 𝗞𝗔𝗬 𝗥𝗔𝗟𝗔 𝗫𝗔𝗡𝗔𝗡𝗔 𝗚𝗨𝗦𝗠𝗔̃𝗢 𝗙𝗜𝗟𝗔 𝗛𝗜𝗞𝗔’𝗔𝗦 𝗧𝗟! 29 Outubro 2025: Ministra Saúde (MS) dr. Élia A.A. dos Reis Amaral, SH hamutuk ho Vise-Ministru ba Fortalesimentu Instituisionál Saúde (VMFIS) Sr. José dos Reis Magno, simu Primeiru Ministru (PM) RDTL kay Rala Xanana Gusmão ho ekipa, hafoin partisipa ofisiál iha seremónia adezaun Timor-Leste ba Asosiasaun Nasaun Sudeste Aziátiku (ASEAN), iha Airoportu Internasionál Nicolau Lobato, Dili. Adezaun ofisiál ne’e marka momentu istóriku ida-ne’ebé Timor-Leste (TL) sai membru ofisiál nian ba da- 11 iha ASEAN. Adezaun Timor-Leste ba ASEAN konsidera hanesan pasu importante ida ba integrasaun rejionál, ne’ebé sei fó oportunidade foun ba dezenvolvimentu ekonomiku, komérsiu, no kooperasaun politika iha rejiaun Sudeste Aziátiku. Marka prezensa iha eventu ne’e mak membru governu IX Konstituisionál balun, membru Parlamentu Nasional, Korpu diplomatiku, Autoridade seguransa PNTL no F-FDTL, estudante sira, funsionáriu públiku, no komunidade sira ne’ebé hamrik iha estrada públiku fó bem-vindu ba PM no selebra momentu importante ida-ne’e.
Data Publica : 30 Oct 2025
Descrisaun :
