Asuntu : TIMOR LESTE HAFORSA ADVOKASIA BA PLANEAMENTU FAMILIAR LIUHOSI ABORDÁJEN SMART Dili, 28 Outubru 2025; Ministériu Saúde hamutuk ho UNFPA Timor-Leste lansa Workshop Advokasia SMART durante loron tolu (28–30 Outubru 2025) hodi tranforma kompromisu forte sira ba iha asaun reál. Uza aprosimasaun Espesifiku, Mesurável, Atinjivel, Relevante Tempu ne’ebé loloos (SMART), lider no profisionál saúde sira dezeña hela estratéjia sira atu aumenta rekursu doméstiku sira no avansa objetivu sira Planeamentu Familiár nian. Iha workshop ne’e, Vise-Ministru ba Operasionalizasaun Ospitalá (VMOH-sigla portugés) dr. Flávio Brandão Mendes de Araújo reafirma kompromisu Ministériu Saúde nian atu hametin programa planeamentu familiár nasaun nian no garante katak kada família timoroan bele halo opsaun informadu kona-ba sira-nia saúde reprodutiva. “Investe iha planeamnetu familiar hanesan investe ba future ita nia nasaun nian, ne’e hanesan investimentu ida ne’ebé hakbiit feto sira, apoia família sira no dudu dezenvolvimentu sosiál no ekonómiku, liuhosi parseria domestika ne’ebé metin liu no advokasia ne’ebé efetivu, ita bele garante katak servisu planeamentu familiar Asesival no sustentavel nafatin ba jerasaun tuir mai", dehan VMOH. Iha fatin hanesan, Reprezentante UNFPA, Sra, Navchaa Suren subliña katak “direitu feto no kaben-na’in sira nian atu deside ho livre se, bainhira, no oan hira mak atu iha maka importante liu. Timor-Leste halo ona progresu hodi hadi’a saúde no direitu seksuál no reprodutivu maibé, nesesidade planeamentu familiár ne’ebé seidauk satisfás relativamente aas nafatin, maizumenus feto ida hosi feto na’in haat (besik 25%) ne’ebé hakarak fó espasu ka prevene isin-rua maibé laiha asesu ba métodu planeamentu familiár modernu.
Data Publica : 30 Oct 2025
Descrisaun :
