Asuntu : 𝐌𝐈𝐍𝐈𝐒𝐓𝐑𝐔 𝐌𝐀𝐍𝐄𝐓𝐄𝐋𝐔 𝐄𝐍𝐊𝐎𝐑𝐀𝐉𝐀 𝐄𝐌𝐁𝐀𝐈𝐗𝐀𝐃Ó𝐑 𝐓𝐈𝐌𝐎𝐑-𝐋𝐄𝐒𝐓𝐄 𝐈𝐇𝐀 𝐉𝐀𝐊𝐀𝐑𝐓𝐀 A𝐓𝐔 𝐊𝐎𝐍𝐓𝐈𝐍𝐔𝐀 𝐇𝐀𝐌𝐄𝐓𝐈𝐍 𝐑𝐄𝐋𝐀𝐒𝐀𝐔𝐍 𝐃𝐈𝐏𝐋𝐎𝐌𝐀𝐒𝐈𝐀 𝐍𝐄’E𝐁É 𝐌𝐄𝐓𝐈𝐍 𝐇𝐎 𝐈𝐍𝐃𝐎𝐍É𝐙𝐈𝐀. Jakarta, 29 Outubru 2025 Ministru Transporte no Komunikasaun, Eng.Miguel Marques Gonçalves Manetelu hala’o vizita kortézia bá Embaixada Timor-Leste iha Jakarta. Vizita kortézia ne’e ho objetivu atu haree direta servisu diplomata Timor-oan sira nia servisu iha Jakarta, aleinde ne’e mós Ministru Manetelu husu mós bá Embaixadór Extraordináriu no Plenipotensiáriu Timor-Leste nian bá Repúblika Indonézia, Roberto Sarmento de Oliveira Soares atu kontinua hametin relasaun Diplomata ho Indonézia relasiona ho Timor-Leste nia admisaun formál nu'udar membru Asosiasaun Nasaun Sudeste Aziatiku (ASEAN). Ministru Manetelu afirma Indonézia nu’udar nasaun viziñu Timor-Leste nia hanesan maun alin suporta tebes Timor-Leste nia prosesu tomak hodi sai membru ASEAN tanba ho nia prezensa iha Jakarta lori governu nia naran husu nafatin diplomata Timor-oan ne’e hmutuk ho governu hodi bele reforsa no unifika polítika kona-bá diplomasia rejionál. Diplomata ne’e afirma sei servisu mós besik liu taan ho Timor-Leste nia embaixadór ne’ebé mós akreditadu bá iha Sekretáriu ASEAN, atu bele reforsa no unifika Timor-Leste nia polítika kona-bá diplomásia rejionál, nune’e bele projeta mehi hotu-hotu admisaun formál nu'udar membru Asosiasaun Nasaun Sudeste Aziatiku (ASEAN). Iha sorin seluk Diplomata ne’e mós informa bá Ministru Manetelu katak iha tempu badak Prezidente Repúblika Ramos-Horta sei vizita Jakarta. 𝐌é𝐝𝐢𝐚 𝐌𝐓𝐊
Data Publica : 30 Oct 2025
Descrisaun :
