𝐃𝐢́𝐥𝐢, 𝟎𝟓 𝐍𝐨𝐯𝐞𝐦𝐛𝐫𝐮 𝟐𝟎𝟐𝟓: Sekretáriu Estadu Estadu Dezenvolvimentu Lokál (SEDL), Mateus W. dos Santos Tallo, partisipa Debate Proposta Lei Orsamentu Jeral Estadu (OJE) tinan 2026 iha faze jeneralidade, husi proposta Lei n°.23/VI (3a) loron da-huluk nian, iha Parlamentu Nasionál (PN).

Tuir Kalendáriu loron 5-7 novembru Debate no votasaun iha faze jeneralidade bá PPL OJE 2026, husi plenáriu no Loron 10-24 novembru, debate no votasaun iha faze espesialidade nomos votasaun finál globál bá PPL OJE 2026.

Entertantu Loron 25 fulan novembru, haruka dekretu Parlamentu Nasionál bá Prezidente Repúblika, José Ramos Horta hodi halo promulgasaun.

OJE tinan 2026 halo investimentu iha transformasaun nasionál, iha integrasaun rejionál no iha dezenvolvimentu inkluzivu. Proposta OJE 2026 ne’e formula bazeia bá Objetivu Estratéjiku IX Governu Konstitusionál nian, hodi promove; Dezenvolvimentu Sosioekonómiku Sustentável, Investimentu iha Infraestrutura Estratéjiku, Hametin Setór Ekonómiku no Hadi'a Moris-di'ak Sidadaun nian.

Orsamentu ne’e reflete kompromisu Governu nian atu dudu kreximentu sustentável, inkluzivu ne’ebé hamosu benefísiu bá sidadaun hotu-hotu.

Media SEDL

Fontes: https://www.facebook.com/share/p/17eCqcHjTm/