𝗟𝗔𝗨𝗧É𝗠, 𝗠𝗝 — 𝗦𝗲𝘀𝘁𝗮-𝗳𝗲𝗶𝗿𝗮 𝟯𝟭 𝗢𝘂𝘁𝘂𝗯𝗿𝘂 𝟮𝟬𝟮𝟱, IX Governu Konstitusionál ne’ebé lidera hosi Sua-Eselénsia Primeiru Ministru (PM), Kay Rala Xanana Gusmão hamutuk ho Ministru Obras Públikas (MOP), Eng. Samuel Marçal, ofisialmente kontinua tan lansamentu ba projetu rehabilitasaun estrada hosi diresaun Postu Lautém ba Lospalos. nune’e mós projetu Abastesimentu Bee Moos iha Munisípiu Lautém.

Iha lansamentu ne’e, Sua-Eselénsia Ministru Justisa, Dr. Sérgio Hornai hamutuk membru sira hosi IX Governu Konstitusionál, membru Parlamentu Nasional sira, atu dezenvolve infraestrutura rodoviária no aumenta konetividade entre povu sira iha área Postu Lautém ba Lospalos. nune’e mós projetu Abastesimentu Bee Moos iha Munisípiu Lautém. Nune’e bele kontribui ba dezenvolvimentu ekonomiku, mobilidade komunidade, no fortalesimentu unidade sosial iha Munisípiu Lautém.

Serimónia ida-ne’e organiza hosi Prezidente Autoridade Munisipal Lautem, Melio de Jesus ne'ebe partisipa másimu hosi autoridade lokál, lider komunidade, lia-na’in, no sidadaun sira, ne’ebé hatudu apresiasaun profundu ba esforsu hosi IX Governu konstitusional bele implementa projetu rehabilitasaun estrada iha diresaun ne’e, nu'udar planu dezenvolvimentu infraestrutura rodoviária nasional.

Enkuantu, Estrada Nasionál husi Diresaun Lautém-Lospalos ho Kilometru 27.980, ne’ebé sei rehabilitasaun husi Contractor "Chongqing International Construction Corporation" hui nasaun China ho valor Orsamentu hamutuk $18,836,713.10. Nune’e mós iha projetu Abastesimentu Bee Moos iha Munisípiu Lautém, ne’ebé sei responsavel husi Contractor "Beijing Urban Construction Group CO, LTD" husi nasaun China ho Orsamentu hamutuk $17, 012,327.59.

# 𝗠í𝗱𝗶𝗮 𝗚𝗮𝗯𝗶𝗻𝗲𝘁𝗲 𝗠𝗶𝗻𝗶𝘀𝘁𝗿𝘂 𝗝𝘂𝘀𝘁𝗶𝘀𝗮 #

Fontes: https://www.facebook.com/share/p/17FSNrDBAS/