Suas Excelências
Senhora Presidente Parlamento Nacional
Vice-Presidentes Parlamento Nacional

Ilustres
Senhoras no Senhores Deputados
Senhoras no Senhores Membros Governo

Senhoras no senhores,

Ho sentido boot kona-ba dever ho responsabilidade mak ha’u mai dirije ba ilustre audiência ida-ne’e atu apresenta Proposta Lei kona-ba Orçamento Geral Estado ba tinan 2026.

La iha dúvida, ne’e hanesan momento-chave ida iha Estado nia moris. Debate kona-ba instrumento ida, liuliu, gestão financeira, ho nia estratégias ho escolhas políticas ba país, iha exercício democrático ida nebé halo discussão kona-ba escolhas hirak-ne’e.

Tanba razão ida-ne’e, mak debate kona-ba Orçamento Geral Estado la’ós de’it sura números. Ita mai iha-ne’e atu fó sentido ba números hirak-ne’e no atu simu responsabilidade kona-ba investimentos, investimentos nebé atu contribui lori hadi’a ita-nia povo nia moris, atu hakbiit nia no desenvolve nia ho forma saudável, instruída no empreendedora.

Ita mai iha-ne’e atu serviço ba famílias timoroan tomak – hahú husi agricultores iha Maliana ba produtores de café iha Ermera, husi jovem licenciado iha Díli ba artesão (ka, badaen) iha Suai, husi feto ho mane pescadores sira iha Ataúro, ba empresários sira iha Baucau, to’o inan ida nebé ko’us nia oan ba escola iha Oe-Cusse Ambeno.

Orçamento ida-ne’e mak hanesan sira hotu ninia história… mak história Timor-Leste nian, hodi harii sira-nia futuro.

Tanba né, ita mai hotu iha-né no prontos atu halo debate kona-ba Orçamento Estado ida nebé ponderado ho equilibrado, maibé bele sai di’ak liu ho contributos husi Distintos Deputados.

Debate democrático anual kona-ba orçamento Estado, hanesan teste ida ba força husi ita-nia democracia, nebé órgãos soberania sira hamutuk iha objetivo comum atu hadi’a vida económica no social país nian tomak.

Muito obrigado.

Kay Rala Xanana Gusmão

👉klik iha ne’e! – Hodi Imprime diskursu Primeiru-Ministru nian iha okaziaun aprezentasaun proposta Lei Orsamentu Estadu ba tinan 2026