Prezidente Autoridade Nasionál Minerais, ANM, I.P., Rafael Araúju, eleitu nu’udar reprezentante membru husi Intergovernmental Forum on Mining, Minerals, Metals and Sustainable Development -IGF ba rejiaun Sudeste Aziátiku no Pasífiku, ba periodu 2025 to’o 2027.

Desizaun ne’e foti iha annual IGF husi loron 3 to’o 6 fulan Novembru ne’ebé organiza husi United Nations Conference on Trade and Development – UNCTAD iha Geneva, Suisa. Konfiansa ne’e nu’udar esforsu kontínua no kompromissu forte atu avansa prátika mineiru ne’ebé sustentável no responsavel iha rejionál no globál.