𝗗Í𝗟𝗜, 𝗠𝗝 — 𝗗𝗼𝗺𝗶𝗻𝗴𝘂 𝟬𝟵 𝗡𝗼𝘃𝗲𝗺𝗯𝗿𝘂 𝟮𝟬𝟮𝟱, Sua-Eselénsia Ministru Justisa, Dr. Sérgio de Jesus Fernandes da Costa Hornai akompaña Sua-Eselénsia Primeiru-Ministru (PM), Kay Rala Xanana Gusmão hamutuk ho lia-na’in sira hala’o rituál hodi fokit sai hali abut, iha Kuluhun, Díli.

Lia-Na’in sira halo rituál molok hasai hali abut ne’e, tanba konsidera nu’udar hali antigu ida iha sidade ne’e, Rituál ne’e mos nu’udar forma respeitu no konsagrasaun ba fatin sagrada, antes halo prosesu konstrusaun ka atividade seluk iha área ne’e. Konklui serimónia rituál ne’e, Primeiru-Ministru orienta kedan empreza relevante atu mobiliza ekipamentu pezadu hodi kee sai hali abut ne’e, hodi fasilita prosesu nahe alkatraun diresaun Ponte Kuluhun bá Bemori.

Iha terrenu Xefe Governu akompaña mós hosi Ministru Obras Públikas (MOP), Samuel Marçal, Sekretaria Estadu Asuntu Toponímia no Organizasaun Urbana (SEATOU), Germano Santa Brites Dias ho Lia-na’in sira no komunidade sira iha área Bemori. Nune’e daudaun ne’e, konstrusaun ponte Kuluhun finaliza ona, inklui loke estrada halo lu’an no bele redús engrafamentu iha área ne’e.

Fontes: https://www.facebook.com/share/p/1BZjgNT8jg/