Díli, 10 Novembru 2025: Sekretáriu Estadu Asuntu Toponímia no Organizasaun Urbana (SEATOU), Germano Santa Brites Dias observa espasu públiku ne’ebé negosiante sira uza la ho responsabilidade hodi okupa trotoar iha área Bemori.

Bazeia informasaun hosi komunidade sira kona-ba konstrusaun loja ida ne’ebé foin komesa konstrui uma ninia kaleen sai liu Ai-rin eletrisidade hodi okupa trotoar iha área Bemori, nune’e ohin SEATOU tuun direta orienta ekipa gestão merkadu sobu sai konstrusaun refere.

Iha tempu hanesan SEATOU akompaña Primeiru Ministru (PM), Kay Rala Xanana Gusmão no Ministru Obras Públicas (MOP), Samuel Marçal, kontinua observa progresu projetu rehabilitasaun estrada iha área sira hanesan Kuluhun California, Bebonuk no Lurumata.

Fontes: https://www.facebook.com/share/p/1ARNxgDE4V