Díli-Segunda,10-11-2025, Ministériu Finansas liuhusi Institutu Nasionál Estatístika Timor-Leste, Institutu Públiku (INETL,I.P), simu tan laptop lima ho marka Dell husi Fundu Populasaun Nasoens Unidas (UNFPA-sigla ingles), hodi halo analiza ba dadus Peskiza Demografia Saúde 2025 ne’ebé daudaun ne’e la’o hela kampu.

Iha biban ne’e Prezidente INETL, I.P Sr. Elias dos Santos Ferreira, hateten laptop lima ne’e atu halo editing ba dadus peskiza demografia saúde 2025 ne’ebé maka daudaun ne’e la’o hela kuaze 30% remata ona iha kampu, ita espera 23 fulan dezembru peskiza ne’e bele remata. Nia mós agradese ba UNFPA tanba serbisu hamutuk ona desde Timor-Leste hetan independensia to’o ohin loron.

Iha tempu hanesan Reprezentante UNFPA iha Timor-Leste Sra. Navcha Suren, hateten laptop hirak ne’e sei ajuda ekipa INETL,I.P atu halo analize ba dadus peskiza demografia saúde, peskiza ida ne’e importante tebes tanba sei kolleta dadus kona-ba asuntu sira ne’ebé kritiku inklui saúde, nutrisaun, violensia ba jéneru no asuntu sira seluk.

Serimonia handover laptop lima ne’e hala’o iha salaun INETL.IP Kaikoli, hetan prezensa másimu husi kargu diretór, xefia no funsionariu, inklui tekniku husi UNFPA.

#Foto: #Ekipa #Media #Ofisiál #Ministériufinansas

Fonets: https://www.facebook.com/share/p/1Q9VaE5Hfe