7 Novembru 2025

S. Exa. Ministru Ensinu Superior, Siénsia no Kultura, Dr. José Honório da Costa Pereira Jerónimo, partisipa iha Debate iha Jeneralidade kona-ba Proposta Lei Orsamentu Jeral Estadu (OJE) 2026 iha Parlamentu Nasionál.

Proposta OJE ne’e, ho lema “Investe iha Transformasaun Nasionál, Integrasaun Rejionál no Dezenvolvimentu Inkluzivu”, hetan aprovasaun ho votu 42 favór, 0 kontra no 23 abstensaun.

OJE 2026 hatudu kompromisu husi IX Governu Konstitusionál atu hametin kapitál sosiál, halo investimentu iha infraestruturas esensiál, diversifika ekonomia no promove boa governasaun, tuir aliñamentu ho Planu Estratéjiku Dezenvolvimentu Nasionál 2011–2030 nian.