Díli, 06 Novembru 2025 — Sekretáriu Estadu Kooperativas (SEKoop), Eng. Arsénio Pereira da Silva, M.Agr., partisipa debate loron daruak Jeneralidade ba Orsamentu Jerál Estadu (OJE) tinan 2026, ne’ebé hala’o iha Plenária Parlamentu Nasionál (PN) iha loron kinta, 6 fulan Novembru 2025.

Tema OJE 2026 mak “Investe iha Transformasaun Nasionál, Integrasaun Rejionál no Dezenvolvimentu Inkluzivu,” ne’ebé reflete kompromisu Governu atu fó prioridade ba prográma dezenvolvimentu ne’ebé bele fó benefísiu diretu ba povu Timor-Leste nian.

Proposta lei OJE 2026 hamutu total $2.214.689.195, ne’ebé fahe tuir kategoria hanesan:

1. Saláriu no Vensimentu: $476.870.249

2. Bens no Servisu Korrente: $447.904.446

3. Transferénsia Públika: $820.710.160

4. Kapitál Menór: $32.556.960

5. Kapitál Dezenvolvimentu: $436.647.379

Governu Timor-Leste kontinua hatudu nia esforsu atu implementa politika finansu públiku ne’ebé transparente no responsável, ho objetivu atu promové dezenvolvimentu inkluzivu no transformaun ekonomia nian ba ema hotu-hotu.

#Média SEKoop