04 Novembru 2025: Ministra Saúde (MS) dr. Élia A.A. dos Reis Amaral, SH hamutuk ho Vise-Ministru ba Fortalesimentu Institusionál Saúde (VMFIS) Sr. José dos Reis Magno no mós Vise-Ministru ba Operasionalizasaun Ospitál (VMOH-Sigla Portugues) dr. Flávio Brandão Mendes de Araújo.

Hala’o enkontru Konsellu Konsultivu (KK) ho Kuadrus Ezekutivus Ministériu Saúde (MdS) nian iha kna’ar fatin, Palácio das Cinzas, Caicoli, Dili.

Objetivu hosi enkontru ne’e aleinde halo aprezentasaun husi kada Diresaun sira, sorin seluk hala’o mós diskusaun kona-ba planu no programa servisu MdS nian ne’ebé mak durante la’o, atu nun’e ba futuru bele mellora di’ak liután.

Aleinde ne’e mós VMFIS halo aprezentasan kona-ba rezultadu enkontru iha Organizasaun Mundiál Saúde nian, Rejiaun Sudeste Aziátiku World Health Organization in South-East Asia Region (SEARO), no mós entrega Sertifikasaun Timor-Leste Livre Malária.

#MídiaPalácioDasCinzas