𝐃𝐨𝐡𝐚,𝟒/𝟏𝟏/𝟐𝟎𝟐𝟓: Vise-Primeiru Ministru, Ministru Kordenador ba Assuntus Sosiais, Eng. Mariano ASSANAMI Sabino, ne’ebe akompaña direita husi Ministra Solidariedade Sosial no Inkluzaun, Veronica das Dores, partisipa Simeira Mundial Dezenvolvimentu Sosial ba daruak nian ne’ebe realiza iha, Nasaun Qatar, Kapital Doha.

Simeira ne’e rasik Organiza husi Organizasaun Nasoens Unidas (ONU), ne’ebe realiza tinan 30 dala ida, ne’ebe partisipa masimu husi Nasaun Estadu Membru ONU nian hamutuk liu nasaun 150 iha mundu.

Iha Simeira Mundiál ne’e, Vise-Primeiru Ministru hala’o diskurtu hodi destaka Timor nia protidaun ba Dezenvolvimentu Sosiál iha ne’ebe nia subliña urjénsia renovasaun kompromisu globál sira hodi halakon pobreza no dezigualdade.

Reflete kona-ba Simeira Mundiál dahuluk iha Copenhagen tinan 30 liu-ba subliña katak, ema hamutuk tokon ba tokon sei sofre nafatin ki’ak, hamlaha no eskluzaun laiha protesaun sosiál báziku. Momentu liu ba nu’udar realidade ida-ne'e la aseitavel no husu ba líder mundiál sira atu atua ho desizivu hodi asegura katak "la iha ema ida maka husik hela iha kotuk".

Protesaun sosiál la’ós aktu karidade, maibé direitu universál no devér morál. Investe iha ema nia moris di'ak liu husi medida sira hanesan apoiu nutrisionál, asesu ba merkadu sira no serbisu di'ak forma fundasaun ba dame no dezenvolvimentu sustentável. Kombate hasoru hamlaha no mal-nutrisaun mak teste sentrál ba jerasaun ida ne'e, tanba mal-nutrisaun kontinua estraga ekonomia sira no hafraku potensiál umanu.

Nu’udar Prezidente Forsa Tarefa Globál kona-ba Protesaun Sosiál ba Nutrisaun, iha Timor progresu sira ne’ebe ita atinze maki ta inklui ona programa Bolsa da Mãe Kondisionál ne’ebé liga transferénsia osan ho servisu nutrisaun nian hodi hadi’a saúde la barik nian no hakbi’it feto sira. Importánsia huisi polítika sira ne'ebé inkluzivu no bazeia ba evidénsia no koloka Forsa Tarefa hanesan plataforma esperansa nian ba ema sira ne'ebé vulneravel liu iha mundu liu-liu Nasaun sira ne'ebé Menus Dezenvolvidu no Estadu ka nasaun Ki'ik sira ne'ebe iha hela faze Dezenvolvimentu.

Husu ba nasaun no instituisaun sira atu halo protesaun sosiál sai bem públiku globál ida universál, adaptativu, no finansia ho di'ak liuhosi fahe responsabilidade. Husu ho korajen hodi adota Deklarasaun Polítika Simeira nian no fó mos hanoin ba partisipantes ka delegadu sira katak sasukat loloos umanidade nian maka proteje ema sira ne'ebé laiha kbi’it.