Díli, 10 fulan-novembru tinan 2025__Diretora Nasionál Relasaun-Públiku no Média Interina, Atuál Xefe-Departamentu Média no Komunikasaun, Sra. Idina de Fátima Araújo partisipa iha Enkontru estrutura PAN-1325 kona-ba Feto, Pás no Seguransa hamutuk ho pontu fokál liña ministeriais implementadór PAN-1325 seluk iha Salaun Enkontru DNSPP-Matadoru, Díli.

Enkontru ne’e ho objetivu atu atualiza informasaun jerál kona-ba progresu implementasaun PAN-1325; Atu diskute kona-ba preparasaun selebrasaun aniversáriu RKSNU 1325 kona-ba Feto, Pás no Seguransa ba da-25; Rona hanoin di’ak sira no sujestaun husi membrus estrutura PAN-1325 kona-ba Planu selebrasaun aniversáriu RKSNU 1325 ba da-25 ne’ebé sei selebra iha tinan ida-ne’e.

Rezultadu husi enkontru ne’e mak iha selebrasaun aniversáriu RKSNU 1325 ba da-25 ne’e sei prienxe ho atividade lubuk inklui Marsa da Pás ne’ebé sei realiza iha Díli.

Enkontru ne’e partisipa husi Pontu Fokál liña ministériu implementadór PAN-1325 F,P&S ne’ebé responsabilidade ba iha kada Pilár 4 PAN-1325 nian hanesan Pilár Partisipasaun, Prevensaun, Protesaun no Harii Pás no Rekuperasaun.

#Média SEI#

Fontes: https://www.facebook.com/share/p/1FsJo4eWf7/