Dili 11 De Novembro 2025, Sua Exelênsia Secretario Estado Proteção Civil (SEPC) Domingos Mariano Reis,Akompaña husi Komandante Operasional Nasional Proteção Civil ohin loron tersa-feira ne᾽e hala᾽o ona despedida ba ekipa avansadu ne᾽ebe mak kompostu husi husi Bombeiros nain 20 no Junta mos husi Polisia Nasional Timor-Leste (PNTL) nain 2 inklui mos mediku nain 4 ne᾽ebe mak sei desloka ba nasaun Filipina hodi apoiu asaun umanitaria no solidaridade ba povu Filipina ne᾽ebe hasoru efeitu devastador husi tufaun kalmaegi.

Atu Informa katak Governu Repúblika Demokrátika Timor-Leste hato᾽o mos profundu solidariedade no sentidu kondolénsia ba Governu no povu Repúblika Filipinas, hafoin estragus makaas ne’ebé kauza husi tufaun Kalmaegi, ne᾽ebé hamosu inundasaun maka᾽as, destruisaun no ema mate ne’ebé trájiku iha provínsia sentrál sira país nian, liu-liu iha provínsia Cebu.

Atu Informa katak antes ne᾽e Sua Exelênsia Primeru Ministro (PM) Kay Rala Xanana Gusmão hakerek mos karta ida ne’ebé haruka ba Prezidente Ferdinand “Bongbong” Marcos Jr.hodi afirma katak Timor-Leste “triste tebes ho eskala hosi trajédia ida-ne᾽e no susar ne᾽ebé família barak hasoru ne᾽ebé lakon ema ne᾽ebé sira hadomi, uma no meius subsisténsia”.

Xefe Governu subliña mós katak “nasaun [Timor-Leste] nafatin iha solidariedade ho povu filipina durante tempu lutu no rekuperasaun ida-ne᾽e”, hodi reafirma “amizade no kooperasaun rejionál” ne᾽ebé halibur nasaun rua ne᾽e no “admirasaun bo᾽ot ba povu filipina”.

MEDIA SEPC

Fontes: https://www.facebook.com/share/p/1BfP34S2qZ/