Dili, 12 Novembru 2025

Ministru Transporte no Komunikasaun, Eng.Miguel Marques Manetelu kuarta ne’e, iha oras tuku 13:00 lorokraik Otl, partisipa iha sorumutuk nível membru governu sira ho Primeiru-Ministru Kay Rala Xanana Gusmão, iha sala auditorium Kay Rala Xanana Gusmão Ministériu Finansas Aitarak Laran Dili.

Sorumutuk Entre Xefe Governu ho membru governu sira-ne’e, nomos bankada governu iha Parlamentu Nasionál ho nia objetivu hodi hala’o preparasaun ikus, molok hakat bá debate faze espesiálidade Projetu Propósta Lei (PPL) no.23/VI (3a) kona-bá Orsamentu Jerál Estadu (OJE) tinan fiskál 2026 nian, durante semana-rua iha plenária Parlamentu Nasionál (PN).

Proposta Lei OJE 2026 Billiaun $2.214.689,195 ho kategoria saláriu no vensimentu $476.870.249, bens no servisu korrente $447.904.446, transferénsia públika $820.710.160, kapitál menór $32.556.96 no kapitál dezenvolvimentu $436.647.379.

Proposta Lei OJE 2026 ne’e aprovadu iha debate jeneralidade iha 07 Novembru 2025 ho votus A Favor 42, Kontra 0, Abstensaun 23 no tuir kaléndáriu apresiasaun proposta Lei OJE 2026, debate ho votasaun espesialidade no votasaun finál globál sei hala’o iha 13-26 Novembru 2025.

𝐌𝐞́𝐝𝐢𝐚 𝐌𝐓𝐊