Dili, 12 Novembru 2025 - Sekretáriu Estadu Terras no Propriedades (SETP) Sr. Jaime Xavier Lopes, M.Eng. partisipa serimonia Komenorasaun Masakre Santa Krus ba dala- XXXIV, ne'ebé realiza ho Tema "Hau ema Timor, Orgullu ho Ha'u Nia Asaun" iha Santa Krus.

Aktividade Komemorasaun ne'e, realiza ho Misa Agradesimentu iha Igreja Motael, hafoin ida-ne'e kontinua la'o ain hosi Motael ba Santa Krus, nuudar simbolu valorizasaun ba istoria kona-ba prosesu luta juventude sira nian iha 12 Novembru 1991 ne'ebé ohin loron konesidu ho Masakre Santa Krus. Joven sira ne’ebé mai halo manifestasaun hosi Motael to’o iha semitériu Santa Crúz hodi ejize bá ONU katak, tuir direitu internasionál Timor-Leste sei iha kolonia, iha deskolonializasaun nia prosesu iha Portugés nia okos. Tanba ne’e maka ejize mós bá Portugál atu hamrik hodi defende direitu ida-ne’e.

Iha ámbitu selebrasaun loron Masakre Santa Krúz bá dala-34, Loriku Adventure entrega hikas Bandeira RDTL ho Bandeira Komité 12 Novembru ne’ebé durante ne’e sira lori halo Aventura hale’u Timor, bá PM Xanana Gusmão.

Partisipasaun iha aktividade refere, partisipa direta hosi Primeiru Ministru, Kay Rala Xanana Gusmão, Membru Parlamentu Nasional, Membru Governu, Komite 12 Novembru, Juventude, Estudante, Autoridade PNTL, Autoridade Lokal sira, konvidadu onradu sira, Jornalista Internasional sira, Komunidade sira, inklui sira seluk tan.

Média SETP

Fontes: https://www.facebook.com/share/p/19n1Kn9QTz/