𝐃𝐢𝐥𝐢, 𝟏𝟏 𝐍𝐨𝐯𝐞𝐦𝐛𝐫𝐨 𝟐𝟎𝟐𝟓

Ministru Obras Públicas, Samuel Marçal akompaña husi Vise-ministru Infrastrutura, Júlio do Carmo ho Sekretáriu Estadu Eletricidade no Água Saneamentu, Santos Noronha, lori Ministériu Obras Públikas nia naran realiza serimónia asina kontratu ho kompañia PT. NUSA KONSTRUKSI ENJINERING TBK. Indonesia bá konstrusaun edifísiu foun Ministériu Obras Públikas (MOP) inklui asina mós kontratu ho komapañia CNI22 bá projetu melloramentu sistema bee mos iha Munisípiu Manufahi.

Iha nia intervensaun, Ministru Obras Públikas, Samuel Marçal hateten, hafoin selebra tiha kontratu ho PT. NUSA KONSTRUKSI ENJINERING TBK. Indonesia, husu bá diresaun Jerais sira inklui instituisaun tuteladas sira hotu-hotu tenke hamutuk atu tau matan bá obra ne’e, hodi garante kualidade konstrusaun refere.

“Hau husu bá empreza PT. NUSA KONSTRUKSI ENJINERING TBK. Indonesia, atu serbisu ho responsabilidade tuir kontratu ne’ebé asina ona, ”hateten Ministru Obras Públikas iha seremónia asina kontratu ne’ebé realiza iha salaun MOP,Caicoli, tersa-feira ne’e.

Partisipa iha serimónia asina kontratu ne’e, Prezidenti Institutu Gestaun Ekipamento, reprezentante, Ana Paula da Cruz, Prezidenti BTL.EP, Vise-Prezidente KE BTL, E.P, José Filipe Ximenes Smith, Prezidente Komisaun Ezekutiva, Eletricidade de Timor-Leste, Empresa Pública (EDTL, E.P), Paulo da Silva, Diretór Jerál Administrasaun no Finansas, João Amaral, Diretór Nasionál Estrada Ponte no Kontrolu Cheia (DNEPCC), Nene Lobato, Diretór Gerál Habitasaun no Urbansimu (DGHU) Sr. Domingos D. J. Sequeira, kargu xefias sira inklui dirijenti kompañia rua ne’ebé ohin selebra kontratu ho MOP.

*𝗠𝗶́𝗱𝗶𝗮-𝗠𝗢𝗣