Dili, loron 13 fulan Novembro, 𝗦𝗲𝗸𝗿𝗲𝘁𝗮́𝗿𝗶𝗮 𝗘𝘀𝘁𝗮𝗱𝘂 𝗯𝗮 𝗙𝗼𝗿𝗺𝗮𝘀𝗮𝘂𝗻 𝗣𝗿𝗼𝗳𝗶𝘀𝘀𝗶𝗼𝗻𝗮́𝗹 𝗻𝗼 𝗘𝗺𝗽𝗿𝗲𝗴𝘂 – 𝗦𝗘𝗙𝗢𝗣𝗘, nebe’e lideradu husi Xefe Gabinete SEFOPE, Sr. Jacinto Ribeiro Dias, nebe’e representa sua esselensia Sekretário Estadu SEFOPE, akompania husi Diretor Diresaun Nassional Empregu, Estranjeiru, Sr. João Correia Pereira, Adidu Imigrasaun Embaixada Australia Mr. Jorge, representa DFAT, Sr. Roberto Martins, no Manager PLMSP, Sr.Geraldo Ximenes, no Xefe Departementu Deslokasaun, Sr. Alarico Fernandes, iha PALM Springs.

Liafuan inportante husi Xefe Gabinete nebe’e husik hela ba traballador mak “imi nian oportunidade mak imi nian esforsu no komportament, mai husi esforsu mak foin bele susesu”. Iha liamenon primeiru Xefe Gabinete hatete “liu husi SEFOPE deposita komfiansa ba heroi ekonomia Timor oan sira, imi hanesan ema traballador ne’e titlu ida, maibe imi hanesan heroi ekonomia ne’e titlu nasaun nian.

Iha serimonia nee Xefe Gabinete SEFOPE dehan ba kandidatu traballador “ Ba hanesan ema Timor, moris hanesan ema Timor, no fila fali mai hanesan ema Timor oan duni, no ba buka moris maibe ba keta buka moras, ba ho responsavelidade, ba nudar Timor oan, lao hanesan Timor oan, para depois fila mai hanesan Timor oan ida ne mak estadu hameno, estadu husu mak responsavelidade tamba imi nia ulun imi nia isin sira hafutar ho bandeira RDTL, hanesan politikamente atu dehan ita ba tamba atu hadia ita nian rain mak familia sira lubuk ida iha ne suporta no konkorda atu imi ba, pelumenus sai pionerus diak ba ekonomia ba imi nian uma laran, no imi ba tamba ita nian situasaun laos tamba ita nian kondisoens , (dehan xefe gabinete).

Xefe Gabinete SEFOPE Sr. Jacinto Ribeiro Dias, fo hanoin ba traballador nain 89 ne’ebé hetán oportunidade atu ba servisu iha Australia, hatudu komportamentu ne’ebé maka di’ak, no mos afirma ba servisu iha Australia atu manan osan no hetan esperiensia foun husi ema nia rain, hodi nune’e fila mai bele diversifika ekonomia família no hasa’e kresimentu ekonomia nasaun Timor-Leste ni’an, liu-husi loke empreza kiik sira.

Depois de Breves palavras husi Xefe Gabinete, , Diretór Diresaun Nasional Empregu Estranjeiru, hato’o relatorio badak ba Xefe Gabinete, iha relatorio badak ne , Diretór halo’o resumu relasiona ho akatividades loron ohin nian, ne’e duni total husi traballador nebe’e asina hamutuk nain 107, kompostu husi mane nain 78 feto nain 29, husi total traballador nain 107 sei ba servisu iha kompania 7 mak hanesan : 𝘛𝘰𝘱 𝘖𝘧 𝘛𝘩𝘦 𝘊𝘳𝘰𝘱, 𝘔𝘰𝘶𝘯𝘵𝘧𝘰𝘳𝘥 𝘉𝘦𝘳𝘳𝘪𝘦𝘴, 𝘗𝘪𝘯𝘢𝘵𝘢 𝘍𝘢𝘳𝘮, 𝘌𝘢𝘴𝘵𝘦𝘳𝘯 𝘊𝘰𝘭𝘰𝘶𝘳, 𝘛𝘢𝘴𝘮𝘢𝘯𝘪𝘢 𝘔𝘦𝘢𝘵𝘴, 𝘊𝘢𝘱𝘰𝘨𝘳𝘦𝘱𝘰 𝘍𝘢𝘳𝘮 𝘯𝘰 𝘪𝘬𝘶𝘴 𝘮𝘢𝘬 𝘔𝘢𝘥𝘦𝘤.