Díli-Kinta 13/11/2025 S.E Vise-Ministra Finansas Sra. Felícia Claudinanda Cruz Carvalho, partisipa iha debate Projetu Proposta Lei (PPL) no.23/VI (3a) kona-bá Orsamentu Jerál Estadu (OJE) tinan fiskál 2026 iha Uma Fukun Parlamentu Nasionál.

Iha debate ne’e Parlamentu Nasionál konsege halo votasaun ba Artigu 1o - Objetu no Ambitu husi Proposta Lei OGE 2026, pasa ho votus A favor 40, Kontra 0, Abstensaun 23. Aleinde ne’e PN halo mós aprovasaun bá artigu inísiu sira ne’ebé kontein iha Projetu Proposta Lei (PPL) no.23/VI (3a) kona-bá Orsamentu Jerál Estadu (OJE) tinan fiskál 2026 nian, inklui proposta alterasaun sira atu halo aditamentu tuir tabela V, XIII ho XI bazeia bá errata ne’ebé envia hosi Governu ho forma atu kumpre númeru 2 hosi artigu 20o Lei Enkuadramentu Orsamentu Jeral Estadu no Jestaun Finanseira Públika (LEOGEGFP-sigla portugés) pasa ho votus A favor 37, Kontra 3, Abstensaun 23.

Parte loraik Parlamento Nasionál halo votasaun ba orsamentu husi Prezidensia Repúblika ho totál submisaun $12,175,212 pasa ho votus Afavor 44, Kontra 0, Abstensaun 20. Nune’e mós votasaun ba orsamentu husi Parlamentu Nasionál ho total submisaun $19,073,404 pasa ho votus Afavor 41, Kontra 0, Abstensaun 23.

Aleinde ne’e votasaun ba orsamentu Primeiru Ministru ho total submisaun $3,759,532 pasa ho alterasaun iha salariu no vensimentu ho votus A favor 41, Kontra 0, Abstensaun 23.

Debate Espesialidade ne’e lidera husi Prezidente Parlamentu Nasionál, Maria Fernanda Lay no hetan prezensa masimu husi S.E Primeiru Ministru Sr. Kay Rala Xanana Gusmão, membru Governu sira inklui Jestores no tekniku husi Ministériu Finansas.

Proposta Lei OJE 2026 Billiaun $2.214.689,195 ho kategoria saláriu no vensimentu $476.870.249, bens no servisu korrente $447.904.446, transferénsia públika $820.710.160, kapitál menór $32.556.961 no kapitál dezenvolvimentu $436.647.379.

#Foto: #Ekipa #Media #Ministériufinansas

Fontes: https://www.facebook.com/share/p/1CbKLjFgF5/