𝐃𝐈𝐋𝐈, 𝟏𝟕 𝐍𝐨𝐯𝐞𝐦𝐛𝐫𝐮 𝟐𝟎𝟐𝟓— Parlamentu Nasionál aprova ona Orsamentu Jerál Estadu (OJE) tinan fiskál 2026 ne’ebé aloka ba Ministériu Administrasaun Estatal (MAE) ho montante $22.266.888 iha debate faze espesialidade ho votus a-favór 42, abstensaun-18 no kontra-5.

Orsamentu ne’e fahe bá kategoria Saláriu no Vensimentu $8,944,903, Bens no servisu $10.760.280. Transferénsias Públikas $2,203,705 ho Kapitál Menór $358,000 no kapitál dezenvolvimentu laiha. MAE iha programa neen, sub programa 11 no atividade hamutuk 32.

Programa neen ne’e mak hanesan: Programa 025: Desentralizasaun Administrativa no Poder Lokál; Programa 510: Funsionamentu no Dezenvolvimentu Institusionál; Programa 980: Inkluzaun Sosiál; Programa A23: Toponímia no Organizasaun Urbana; Programa A24: Dezenvolvimentu Lokál; Programa A47: Reforma Administrasaun Lokál no Simplifikasaun Administrativu Governu Lokál.

Proposta Lei OJE 2026 Billiaun $2.214.689,195 ho kategoria Saláriu no Vensimentu $476.870.249, Bens no Servisu Korrente $447.904.446, Transferénsia Públika $820.710.160, Kapitál Menór $32.556.96 no Kapitál Dezenvolvimentu $436.647.379.

Debate espesialidade ne’e lidera husi Prezidente Parlamentu Nasionál, 𝐌𝐚𝐫𝐢𝐚 𝐅𝐞𝐫𝐧𝐚𝐧𝐝𝐚 𝐋𝐚𝐲 no partisipa husi Primeiru-Ministru (PM), 𝐊𝐚𝐲 𝐑𝐚𝐥𝐚 𝐗𝐚𝐧𝐚𝐧𝐚 𝐆𝐮𝐬𝐦𝐚̃𝐨, Ministru Administrasaun Estatal, 𝐓𝐨𝐦𝐚́𝐬 𝐝𝐨 𝐑𝐨𝐬𝐚́𝐫𝐢𝐨 𝐂𝐚𝐛𝐫𝐚𝐥, Sekretariu Estadu Dezenvolvimentu Lokál (SEDL), Mateus W. dos Santos Tallo, Sekretariu Estadu Asunto Toponomia e Organizasaun Urbana (SEATOU), no membru Governu sira seluk, inklui entidade relevante sira.

Media SEDL

Fontes: https://www.facebook.com/share/p/1YiKGzHSPW/