𝘿í𝙡𝙞, 14 𝙉𝙤𝙫𝙚𝙢𝙗𝙧𝙪 2025— Sua Exci. Ministru Komérsiu no Indústria Sr. Nino Pereira, simu vizita kortezia husi Embaixadór Malaysia mai Timor-Leste, Sr. Dato' Amarjit Sarjit Singh, iha sala Gabinete Ministru MCI, Fomentu Mandarin, Dili.

Enkontru ne’e fó oportunidade atu diskute relasaun diplomátika no ekonómika entre Timor-Leste ho Malaysia, liu-liu iha kontextu integrasaun Timor-Leste ba ASEAN nomos Organizasaun Mundial Komérsiu (OMK).

Embaixadór Amarjit Sarjit Singh, akresenta nia interese no esklarese kompañia balun husi Malaysia hakarak atu mai halo investimentu iha Timor-Leste, no semana oin Timor-Leste sei simu bainaka husi kompañia 19 ho membru 28 ne’ebe mai buka oportunidade atu halo investimentu no parséria negósiu iha área komérsiu no indústria.

Enkontru ne’e subliña mos importánsia integrasaun adezaun Timor-Leste ba ASEAN no OMK, hanesan faze ida atu hahú atrasaun no moblizasaun ba investimentu, husi rai liur atu komplimenta esforsu dezenvolvimentu hodi haburas Timor-Leste.

 𝙈𝙚𝙙𝙞𝙖 𝙈𝘾𝙄