𝐃𝐢𝐥𝐢, 𝟏𝟖 𝐧𝐨𝐯𝐞𝐦𝐛𝐫𝐮 𝟐𝟎𝟐𝟓 — Ministru Negósius Estranjeirus no Kooperasaun, 𝐁𝐞𝐧𝐝𝐢𝐭𝐨 𝐝𝐨𝐬 𝐒𝐚𝐧𝐭𝐨𝐬 𝐅𝐫𝐞𝐢𝐭𝐚𝐬 tersa-feira ne’e, hala’o vizita traballu Santa-sé, Vatikanu husi loron 18 to’o 26 fulan-novembru 2025.

Vizita servisu ba Santa-sé, Ministru Bendito Freitas sei akompaña Prezidente Repúblika, José Ramos-Horta, hasoru malu ho Sua Santidade Papa Leão XIV. Durante audiénsia ho Papa Leão XIV, Xefe Estadu sei manifesta fi’ar povu Timor-Leste nian no reafirma ligasaun istórika espirituál entre Igreja Katólika Timor-Leste ho Santa-sé.

Nune’e mós, iha loron 21 fulan-novembru 2025, Ministru Bendito Freitas kontinua hala’o vizita traballu ba Bruxelas, Béljika hodi partisipa iha Diálogu Parseria Annual entre Governu Timor-Leste ho Uniaun Europeia.

Alende ne’e sei partisipa mós iha Reuniaun Ministru Negósius Estranjeirus ASEAN nian ho Uniaun Europeia, Fórum Ministerial Indo Pasífiku ne’ebé sei reprezenta husi Vise-Ministra ba Asuntus ASEAN, Milena Rangel.

Fontes: https://www.facebook.com/share/p/1akPHzfhQf/