Dili, 16 Novembru 2025

Ministru Transportes no Komunikasaun, Eng.Miguel Marques Gonçalves Manetelu akompaña husi Prezidente Konsellu Administrasaun ANATL-EP, Vogal II Marco Vogal II° Servisu Aeroportuárius Marco Paulo dos Reis Faria de Sousa no Diretora Unidade Estudu Planeamentu Infra-estrutura (UEPI), Eng.Antónia T. Corte-Real de Oliveira, Domingu horseik iha oras tuku 17:00 Loro-kraik tun direta hodi observa rai afeitadu bá Projetu Espansaun No Dezenvolvimentu Aeroportu Internasionál Prezidente Nicolau Lobato Comoro Dili.

Alargamentu pista AIPNL sei fó impaktu bá rai, uma no ai-horis iha área Suku Madohi, aldeia Beto Tasi, Naroman, Anin Fuik, Loron matan no uma ida iha parte aldeia Terra Santa. Tanba presiza halo alargamentu bá runway strip husi sentru pista (center line) 140m bá parte soul (south) no 140m bá parte norte (north).

kompensasaun bá rai, uma no ai-horis exekuta bazeia bá Resolução do Governo n.o 4.2022, 17 de Agosto.

Nune’e Ministru Manetelu tun direta hodi halo koordenasaun ho rai nain atuál Vise-Primeiru-Ministru, Ministru Koordenadór Asuntus Ekonómikus no Ministru Turizmu no Ambiente, Francisco Kalbuadi Lay, rai no uma ne’e lokaliza iha Aldeia Terra Santa, Suku Madohi, medida rai ne’e total hektares tolu.

Rai refere Ministériu Obras Públika halo tiha ona levantamentu dadus Iha tinan 2024 liu bá, ho nune’e Vise-PM Francisco Kalbuady Lay hateten bainhira governu hahú konstrusaun no sobu uma refere nia prontu koopera tanba ida ne’e planu governu nia atu halo aeroportu ida ne’ebé tuir padraun internasionál tanba aeroportu nu’udar odomatan boot Timor-Leste nia.

Iha sorin seluk Ministru Manetelu husu bá Komisaun Konjunta Libertasaun Rai no Proprieridade Dezenvolvimentu No Espansaun Aeroportu Internasionál Prezidente Nicolau Lobato Comoro Dili. Kompostu husi Ministériu Transporte Komunikasaun, Administrasaun Aeroportu no Navegasaun Aérea Timor-Leste, Empreza Públiku (ANATL, E.P), Sekretária Estadu Terras Propriedade atu halo koordenasaun di’ak ho rai nain no Sei aprezenta BOQ bá uma nain atúal Vise-PM, karik aseita ona maka foin prosesa bá prosesu pagamentu Kona-bá demobilizasaun, sei akontese iha fim 2025 ou inísiu 2026. Aleinde ne’e mós Ministru Manetelu agradese bá V-PM nia kolaborasaun no kooperasaun, hodi kontribui bá iha projetu dezenvolvimentu no espansaun Aeroportu Internasionál Prezidente Nicolau Lobato Comoro Dili.

𝐌𝐞́𝐝𝐢𝐚 𝐌𝐓𝐊