17 Novembru 2025: Ministra Saúde (MS) dr. Élia A.A. dos Reis Amaral, SH hamutuk Vise-Ministru ba Fortalesimentu Institusional Saúde (VMFIS), Sr. José dos Reis Magno Lic. SP, MM no Vise-Ministru ba Operasionalizasaun Ospitalár (VMOH), dr. Flavio Brandão Mendes de Araújo.

Partisipa iha Debate Orsamentu Jerál Estadu (OJE) 2026 Espesialidade ba Ministériu Saúde (MdS) tinan 2026, ne’ebé lidera hosi Prezidente Parlamentu Nasionál, Maria Fernanda Lay, iha Parlamentu Nasionál, Dili.

Orsamentu ne'ebe aloka ba MdS ho montante $$76,758,239. Hosi totál Orsamentu ne’e fahe bá kategoria Saláriu no Vensimentu $35,502,839 Bens no Servisus Koerrentes $13,400,000, Transferénsias Públikas $26,490,400, Kapitál Menór $500,000 no Kapitál Dezenvolvimentu $865,000.

MS iha programa tolu, sub-programa 16 no atividade hamutuk 73. Programa tolu ne’e mak hanesan:

Programa 510: Funsionamentu no Dezenvolvimentu Institusionál

Programa 528: Kuidadu Saúde Primárius no

Programa 529: Kuidadu Saúde Sekundárius no Tersiariaus.

Debate OJE refere MdS nian hetan aprovasaun ba OJE tinan 2026, pasa ho votus afavór 42, Kontra 0 no abstensaun 21.

Partisipa iha diskusaun OJE ne’e mak Primeiru Ministru (PM) Kay Rala Xanana Gusmão, Vise-Primeiru-Ministru no Ministru Koordenadór ba Asuntu Ekonómiku (MKAE), Ministru Turizmu no Ambiente (MTA) Francisco Kalbuadi Lay, Vise-Primeiru Ministru, Ministru Koordenadór ba Assuntu Sosiais, Eng. Mariano Asanami Sabino, membru Governu da-9, Distintus Deputadus, Funsionariu, Mídia no Seluk-Seluk tan.

#MídiaPaláciodasCinzas