𝗗𝗶𝗹𝗶, 𝟭𝟯 𝗡𝗼𝗻𝗲𝗺𝗯𝗿𝘂 𝟮𝟬𝟮𝟱

Nonu (IX) Governu Konstituisionál ne’ebé lideradu husi atuál Primeiru Ministru (PM), Kay Rala Xanana Gusmão akompaña husi Vise-Primeiru-Ministru, MKAE no MTA, Francisco Kalbuadi Lay, Vise-Primeiru-Ministru, MKAS no MDRHC, Mariano Assanami Sabino, MPCM, Agio Pereira, MPIE, Gastão Francisco de Sousa, Ministru Defeza, Donaciano do Rosário Gomes ho Vise-Ministra Finansas, Felícia Claudinanda Cruz Carvalho aprezenta Orsamentu Jerál Estadu 2026 (OJE-2026) orsamentu ho nia montante hamutuk dolar amerikanu millaun rihun 2,291 faze espesialidade iha sala Plenaria Parlamentu Nasionál,kinta-feira ne’e.

Entrentantu diskusaun orsamentu ho nia montante hamutuk dolar amerikanu millaun rihun 2,291, ne’ebé aprezenta husi Primeiru Ministru (PM), Kay Rala Xanana Gusmão hahu’u iha loron 13 sei remata iha loron 26 de Novembru 2025.

Entretantu proposta orsamentál, ho montante globál konsolidadu hamutuk dolar amerikanu biliaun 2,291, formula bazeia bá objetivus estratéjikus Governu Konstitusionál IX nian, ne’ebé ho objetivu atu:

- Promove dezenvolvimentu sosioekonómiku sustentável;

- Hasa’e investimentu iha infraestruturas estratéjikas;

- Hametin setór ekonómiku;

- Hadi'a sidadaun sira-nia moris-di'ak.

OJE 2026 reflete kompromisu IX Governu Konstitusionál nian atu hasa’e kreximentu sustentável no inkluzivu, ne’ebé bele fó benefísiu bá sidadaun hotu-hotu Timor-Leste nian.

Sesaun Plenária ne’e, prezide husi Prezidente Parlamentu Nasionál, Maria Fernanda Lay, akompaña husi Membru Meza sira, prezente mós membru Governu sira ho entidade relevante sira.

*𝗠𝗶́𝗱𝗶𝗮-𝗠𝗢𝗣