𝐃𝐢𝐥𝐢, 𝟏𝟕 𝐧𝐨𝐯𝐞𝐦𝐛𝐫𝐮 𝟐𝟎𝟐𝟓 (𝐒𝐑𝐏) – Ministru Interior (MI), Francisco da Costa Guterres, Ph.D, hala'o enkontru ho Diretóra Jerál Servisu Migrasaun Superitendente Asistente Polísia Adelaide da Rosa, hamutuk Adidu ho Xefi Setór sira hodi koalia kona-ba evaluasaun dezenpeñu ba progresu Servisu durante ne'e, liu-liu implementasaun emisaun vistu iha estranjeiru, ne’ebe hala’o iha sala Multimedia Servisu Migrasaun Vila-Verde.

Objetivu husi enkontru ne'e, atu hadi'a prestasaun servisu ba atendementu publiku di'ak liu tan iha nasaun destinadu adidu sira nian no-mos servisu pontu entrada fronteira sira hanesan Batugade no Mota'ain, Salele no Mota-Masin, Sakato no Wini, Oesilo no Napan inklui Porto no Aeroportu sira.

Iha enkontru ne’e mós fó oportunidade ba Adidu Migrasaun sira halo aprezentasaun kona-ba prestasaun servisu ba susesu no dezafius durante tinan 2025 hodi bele identifika progresu, dezafius, obstaklus no jestaun Boa Governasaun nune’e bele mellora servisu di’ak liután iha Administrasaun Públika iha futuru.

Iha okajiaun ne’e Ministru Interior husu funsionariu sira hotu bele halo komunikasaun, koordenasaun no kooperasaun diak ba malu hodi kontinua servisu ho responsabilidade ba ida-idak nia área, kumpri obrigasaun atu hametin orden públika hodi tane estabilidade nasionál ne’ebé importante ba asegura prosesu dezenvolvimentu nasionál. #Izu

FONTES: https://www.facebook.com/share/p/1CaPnSZucR/