Dili, 19 Novembru 2025

Parlamentu Nasionál (PN), APROVA orsamentu ho montante $4,304,887 bá Ministériu Planeamentu no Investimentu Estratejiku, iha DEBATE BÁ ESPESIALIDADE OJE 2026

Parlamentu Nasionál (PN) aprova ona orsamentu ho montante $4,304,887, husi Orsamentu Jerál Estadu (OJE) tinan fiskál 2026 bá Ministériu Planeamentu no Investimentu Estratéjiku (MPIE) ho votus a favór 41, abstensaun 21 no kontra zero iha debate faze espesialidade loron da-limak parte lorokraik, kuarta (19/11/2025).

Orsamentu ne’e fahe bá kategoria Saláriu no Vensimentu $2,229,785, Bens no Servisu Korrentes $1,722,602, Kapitál Menor $150,000 no Kapitál Dezenvolvimentu $202,500. MPIE iha programa lima, sub programa 10 no atividade hamutuk 21.

Programa sira ne’e mak hanesan : 

Programa 023: Jestaun Finansas Públikas

Programa 510: Funsionamentu no Dezenvolvimentu Institusionál

Programa 980: Inkluzaun Sosiál

Programa 984: Ordenamentu Territóriu

Programa A28: Planeamentu no Investimentu Estratéjiku

Debate espesialidade ne’e lidera husi Prezidente Parlamentu Nasionál, Sra. Maria Fernanda Lay no partisipa husi Primeiru-Ministru (PM), Sr. Kay Rala Xanana Gusmão, membru Governu sira inklui entidade relevante seluk.

Proposta Lei OJE 2026 Billiaun $2.214.689,195 ho kategoria Saláriu no Vensimentu $476.870.249, Bens no Servisu Korrente $447.904.446, Transferénsia Públika $820.710.160, Kapitál Menór $32.556.96 no Kapitál Dezenvolvimentu $436.647.379.

Média MPIE