Dili, 17 Novembru 2025; Vise-Ministru ba Operasionalizasaun Ospitál (VMOH-sigla portugés), dr Flávio Brandão Mendes de Araújo hetan vizita ekipa estudu viabilidade husi KOICA, iha knaar fatin palácio das Cinzas, Caicoli,

Iha vizita ne'e, ekipa KOIKA aprezenta mós kona-ba Misaun estudu viabilidade husi Korea atu halo estudu ba proposta ne’ebé aprezenta husi MoH

parseria hamutuk ho WHO ba projetu "Haforsa Asesu ba kuidadu Emerjénsia Obstétriku no Bebé foin moris (SAFE- Strengthening Access to Full-spectrum Emergency Obstetric and Newborn Care) iha ospitál referál sira iha Timor-Leste”

Projetu ne'e pasa iha faze inisiál no dadaun ne’e ekipa sira atu hala'o estudu viabilidade hodi visita Hospitál Nasionál Guido Valadares (HNGV), Hospital Referál Maubisse, Maliana no Baucau

Objetivu husi projetu ne’e, mak atu hametin kapasidade ospitál referál sira atu fó Kuidadu Emerjénsia Komprensivu Obstetrísia no Bebé Foin Moris (CEmONC) tuir tempu, ho kualidade, no ekuitativu; Hadi'a asesu oportunu ba kuidadu emerjénsia inan no kosok-oan nian liuhosi hasa'e hahalok sira buka kuidadu nian, hametin koordenasaun referénsia nian, no habelar sistema transporte emerjénsia nian iha munisípiu sira ne'ebé la hetan atendimentu.

Tamba ne'e ekipa refere atu explora informasaun, vizita terenu no intervista ho stakeholder no entidades relevantes sira relasiona ho proposta projetu ne’e rasik.

Enkuantu estudu ne’e sei hahú husi loron 17-26 Novembru 2025.