17 Novembru 2025: Ministériu Saúde (MdS) liuhosi Gabinete Inspesaun Auditoria Saúde (GIAS) servisu hamutuk ho Organizasaun Mundiál Saúde iha Timor-Leste (OMS-TL) hala’o sorumutu durante loron 2 ho objetivu hodi akumula parte importante sira husi governu hodi halo diskusaun ba assuntu importante 2 mak hanesan;

Finalizasaun instrumentu ezekusaun prátiku sira, hodi tau iha prátika Lei Nasionál Kontrolu Tabaku no Dekretu-Lei No. 14/2016, no mós atu estabelese Forsa Multisetorál Nasionál ba Kontrolu Tabaku nian, Iha Suai Room, Timor-Plaza, Dili.

Enkontru ida-ne’e mós parte hotu-hotu tau hanoin hamutuk atu gia implementasaun ba rejime kontrolu tabaku tuir dekretu lei no 14/2016, tanba dekretu lei ne’e hanesan baze legál ida hodi implementa kontrolu tabaku iha Timor-Leste, nune’e bele proteje povu hosi perigu tabaku ne’ebé iha, sorin seluk hodi háfasil implementasaun sira nune’e parte kompetente bele kontrolu ho efektivu, koordena no prátiku.

Sorumutu refere hetan abertura hosi Inspetor Jerál Saúde Sr. Horacio Fernandes Ribeiro ho Reprejentante OMS-TL Dr. Arvind Mathur no hetan partisipasaun másimu hosi reprejentantes liñas Ministériál, sosiedade sivíl, mídia no seluk-seluk tan.

#MídiaPalácioDasCinzas