DILI,21/11/2025: Vise-Primeiru Ministru, Ministru Kordenador ba Assuntus Sosiais, Eng. Mariano ASSANAMI Sabino, hetan vizita husi Rede ONG sira husi nasaun CPLP hodi aprezenta kona-ba titular Koordenasaun Asuntu Sosiais nian husi nasaun membru sira hodi halo asaun hamutuk atu garantia katak, La Iha Labarik Ida iha CPLP mak sei husik iha kotuk.

Rede “Vozes de Nós”, ne’ebé hamutuk ONG sira hodi fó apoiu ba joven no labarik sira husi nasaun sira Língua Portuges, hala’o enkontru ho Vice-Primeiru-Ministru no Ministru Koordenador Asuntu Sosiais ho Intensaun aprezente ba titular Koordenasaun Asuntu Sosiais — ne’ebé iha responsabilidade mos ba INDDICA (Institutu ba Defesa Direitus Labarik) — atividade sira ne’ebé hala’o durante enkontru iha Díli, iha Ministeriu Solidariedade Sosial, entre loron 18 to’o 20 fulan-Novembru no iha okaziaun ne’e mos, sira konvída Vise-Primeiru-Ministru atu sai padriñu ba Rede ida-ne’e.

Tema enkontru ne’e mak “Direitus Labarik iha nasaun sira CPLP iha Atualidade no Estratéjia Intervensaun ba Futuru” no enkontru ne’e hamutuk reprezentante husi organizasaun barak husi Estadu-membru sira hodi diskute prioridade no estratéjia atu proteze no promove direitu labarik no joven sira nian.

Enkontru ne’ebe hala’o iha Kapitál Timor-Leste hodi hasai “Deklarasaun Díli”, dokumentu orientador ne’ebé hakarak sai referénsia komun ba nasaun sira CPLP, iha área protesaun ba labarik no joven iha situasaun vulnerável.

“Deklarasaun Díli” ne’e ekipa rede entrega ona ba Vise-Primeiru-Ministru no Ministru Koordenador Asuntu Sosiais, hanesan sinal kompromisu ba jovens no labarik husi Estadu-membru CPLP.

“Deklarasaun Díli” rezulta husi Interkámbiu 5.º Rede “Vozes de Nós”, ne’ebé hamutuk organizasaun sira CPLP nian ne’ebé servisu iha área defeza direitus labarik no jovens vulnerável.

Dokumentu ne’e kontinua servisu ne’ebé hahú iha 2009, liuhosi projetu “Meninos de Rua: inclusão e inserção”, ne’ebé fó kapasidade ba arte-edukasaun, promove kooperasaun entre entidade estadu no la’os estadu sira, no kontribui ba dezenvolvimentu polítika protesaun labarik iha nasaun sira CPLP.

𝑫𝒆𝒌𝒍𝒂𝒓𝒂𝒔𝒂𝒖𝒏 𝑫𝒊́𝒍𝒊

Hatudu objetivu estratéjiku importante sira hodi orienta polítika komun iha CPLP, hanesan, Dezenvolvimentu integral labarik, Prevensaun violénsia no explorasaun hotu-hotu, Promosaun edukasaun inkluziva, Reforsa servisu saúde infantil, Apoiu ba família sira, Prioridade universál ba labarik iha polítika no orsamentu estadu, Partisipasaun efetivu husi labarik no jovens,Konsolidasaun no artikulasaun sistema protesaun sosial, Di’ak liu kolekta no partilha dadus, Krize mekanismu monitorizasaun no avaliasaun.