𝐃𝐈𝐋𝐈, 𝟏𝟒/𝟏𝟏/𝟐𝟎𝟐𝟓: Parlamentu Nasionál (PN) aprova ona Orsamentu Jerál Estadu (OJE) tinan fiskál 2026 bá Gabinete Ministru Koordenadór Asuntus Sosiais (MKAS) hamutuk $1,004,419 ho votus a favór 41, abstensaun 23 no kontra zero.

Orsamentu ne’e aprovadu iha debate no votasaun bá Projetu Proposta Lei (PPL) no.23/VI (3a) kona-bá Orsamentu Jerál Estadu (OJE) tinan fiskál 2026 faze espesialidade loron da-ruak iha parte lorokraik.

Verba ne’e fahe bá kategoria Saláriu no Vensimentu hamutuk $629,419, Bens no Servisus Korrentes $375,000. MKAS iha programa boot rua, sub programa rua no atividade rua.

Debate faze espesialidade ne’e lidera hosi Prezidente Parlamentu Nasionál, Maria Fernanda Lay, partisipa hosi Primeiru-Ministru (PM), Kay Rala Xanana Gusmão ho membru Governu sira inklui entidade relevantes.