Nay Pi Taw, Myanmar, 20 Novembru 2025

Primeiru Ministru Myanmar, Noy Saw Kinta ne’e, konvoka enkontru ho Sekretáriu Jerál ASEAN Kao Kim no Ministru Transportes ASEAN nia molok abertura bá iha Enkontru Ministru Transporte ASEAN nian bá dala 31 iha Nay Pi Taw.

Iha nia diskursu Noy Saw kongratula Timor-Leste sai ona membru permanente ASEAN.

“Ha’u hakarak kongratula bá iha Ministru Transporte ASEAN nian bá dala 31, Onra tebes ami bele sai uma nain bá iha enkontru importante ida ne’e, lori governu Mynmar nia naran hakarak fó benvindu bá delegasaun sira husi estadu membru ASEAN nia, ha’u hakarak esperesa ha’u nia gratidaun bá delegasaun sira hotu ne’ebé partisipa iha enkontru ne’e, agora asean iha membru nain sanulu resin ida ne’ebé progresivu tebes, membru asean ne’ebé ikus mak Timor-Leste Ha'u hakarak hato'o ha'u-nia parabéns bá Timor-Leste” dehan PM Noy Saw.

Iha oportunidade ne’e mós Ministru Manetelu agradese bá governu Myanmar bele realiza eventu prestijiu ida ne’e.

“Lori Governu Timor-Leste nia naran ha’u hakarak hato’o apresiasaun bá governu Myanmar nia ospitalidade no hatudu esperitu ASEAN nia, solidariedade hodi bele organiza eventu prestijiu ida ne’e iha sidade Nay Pi taw” Ministru Manetelu agradese.

Enkontru Ministru Transporte ASEAN tinan ne’e foka liu bá iha setór transporte nian ne’ebé iha papél esensiál ida hodi liga atividade ekonómika sira, hodi fasilita komérsiu ne'ebé la'o ho di'ak no fásil, hodi apoia dezenvolvimentu sosioekonómiku no hasa'e konetividade ema nian bá públiku. Durante dékada sira liubá, konetividade transporte rejionál ASEAN nian hametin no alkansa ona progresu signifikativu iha dezenvolvimentu setór transporte ida bá tempu naruk no sustentável nomos progresu hanesan reflete lideransa ASEAN nian iha setór transporte. Esforsu koletivu sira iha setór nia laran kontribui bá meta sira hosi Planu Mestre kona-bá Konetividade ASEAN 2025 no Planu Komunidade Ekonómika ASEAN nian.

𝐌𝐞́𝐝𝐢𝐚 𝐌𝐓𝐊