𝟐𝟒 𝐍𝐨𝐯𝐞𝐦𝐛𝐫𝐮 𝟐𝟎𝟐𝟓
==============
Enkarregadu Negósiu husi embaixada Estadus Unidus Amérika ba Timor-Leste, Bruce Begnell hasoru malu no hala’o enkontru badak ida ho Vise-Primeiru-Ministru no Ministru Koordenadór ba Assuntu Ekonómiku, Ministru Turizmu no Ambiente, Dato’ Seri Francisco Kalbuadi Lay iha Gabinete Faról-Dili, Segunda, 24 Novembru 2025.

Sorumutu entre diplomata Amerikanu ho Vise-PM ne’e diskuti assuntu balun kona-ba kooperasaun bilateral entre rai-rua nian iha área oioin.

Embaixada Estadus Unidus nian iha Dili agora daudaun seidauk iha Embaixadór Estraordináriu no Plenipotensiáriu ida ne'ebé konfirmadu. Enkarregadu Negósiu ida lidera misaun iha embaixadór nia auzénsia.