Nay Pyi Taw, Myanmar, 20 Novembru 2025

Ministru Transporte no Komunikasaun hato’o agradesimentu bá Estadu-membru ASEAN nia apoiu durante prosesu adezaun Timor-Leste nia bá iha membru plenu ASEAN.

“Ami mós hato’o ami-nia agradesimentu kle’an bá Estadu-membru ASEAN hotu-hotu bá sira-nia apoiu ne’ebé konsistente durante ami-nia prosesu adezaun tomak. Liuliu, ami rekoñese lideransa Malázia nian iha Sua Exelénsia Primeiru-Ministru Anwar Ibrahim nia okos, ne'ebé nia advokasia maka'as bá inkluzividade ASEAN nian kontribui maka'as bá realizasaun ida-ne'e. Ami nia apresiasaun mós bá Sekretariadu ASEAN, ne’ebé lidera husi Sekretáriu-Jerál Sua Exelénsia Dr. Kao Kim Hourn, bá nia orientasaun no apoiu durante viajen ida ne’e” dehan Ministru Manetelu.

Timor-Leste nia kompromisu metin bá ASEAN nia vizaun kona-bá dame, integrasaun no dezenvolvimentu sustentável.

Nu’udar membru ASEAN ne’ebé foun liu, determinasaun. Timor-Leste rekoñese servisu iha oin hodi hametin ami-nia instituisaun sira no aliña ho mekanizmu sira ASEAN nian no ami hein bá kooperasaun kontinua, kapasitasaun no fahe koñesimentu ho Estadu-membru sira hotu. Transporte sai nafatin sentrál bá konetividade rejionál, reziliénsia ekonómika no koezaun sosiál. Timor-Leste komprometidu atu kontribui ho konstrutivu.

Governante ne'e hatete sei hadi'a sistema transporte nasionál sira enkuantu apoia armonizasaun, seguransa no inovasaun iha rejiaun tomak. Haree bá oin, Timor-Leste kompromete partisipasaun ativa iha grupu no enkuadramentu sira transporte ASEAN nian no prontu atu servisu hamutuk ho Estadu-membru sira hotu hodi avansa Sudeste Aziátiku ida ne’ebé iha ligasaun, estável no prósperu liu.

𝐌𝐞́𝐝𝐢𝐚 𝐌𝐓𝐊